Красноармейски салин Тĕп вулавăшĕнче "Туссен тĕл пулăвĕ" клубăн черетлĕ ларăвĕнче "Ял пурнăçĕ" хаçат редакцийĕнче ĕçлекен Юрий Борисов (Борзин) журналистăн, çыравçăн тата таврапĕлÿçĕн пултарулăхне халалласа "Хастар чĕреллĕ журналист" ятпа пултарулăх каçĕ иртрĕ. Вăл 45 çул ĕнтĕ пичет ĕçĕнче вăй хурать, "Ял пурнăçĕ" район хаçатне пуян информациллĕ тăвассишĕн ырми-канми тăрăшать, хамăр тăрăхри тавра пĕлÿпе кăсăкланать, пултаруллă çынсен кун-çулне çутатса хавхалантарса тăрать. Ку таранччен 11 кĕнеке кун çути кăтартнă. Ĕçне кура - хисепĕ. Вăл Чăваш Республикин культурăн тава тивĕçлĕ ĕçченĕ, Нестер Янкас ячĕллĕ преми лауреачĕ тата Хисеплĕ таврапĕлÿçĕ ятсене тивĕçнĕ. Ăна Нестер Янкас ячĕллĕ пĕрлĕхĕн "Чăвашлăха аталантарнăшăн" медалĕпе, "Чăваш культурипе искусствине тата литературине аталанма тÿпе хывнăшăн" орденĕпе чысланă.

Фоторепортаж: https://ok.ru/vitaly.mikhaylov2/album/985010654832

Фоторепортаж: https://ok.ru/vitaly.mikhaylov2/album/985010332016

#ЮрийБорисов
#БиблиомирТракЕн
#НестерЯнкасПремийĕнЛауреачĕ
#ТракЕн
#КрасноармейскиМО
#ЧăвашРеспублики