Район администрацийĕн пуçлăхĕ


Сайт тытăмĕ

Ытти сайт хыпарĕсем

Ыйтăм
Сайта хак парăр
Пурĕ миçе хурав: 84

Статистика


Халĕ сайт çинче: 1
Хăнасем: 1
Юзерсем 0
Тĕп страница » 2016 » Утă » 21 » Илья Степанов композитор ҫут тӗнчерен уйрӑлса кайнӑ
Илья Степанов композитор ҫут тӗнчерен уйрӑлса кайнӑ
22:01
Сăн ÿкерчĕк

Чăваш музыка культури пысăк çухату тÿсрĕ. 76 çула кайса Илья Романович Степанов композитор вилсе кайрĕ. Композитор 1941 çулхи январĕн 31-мĕшĕнче Красноармейски районне кĕрекен Кушкă ялĕнче çуралнă. Ачаллах хăй тĕллĕн купăспа тата баянпа калама вĕреннĕ. Кушкăри тата Ман Шетмĕри шкулсенче пĕлÿ пухнă. Вăтам шкул пĕтернĕ хыççăн комсомол путевкипе Магнитогорск хулинче вăй хунă, электросварщик профессине алла илнĕ, «Водоканал» организацире ĕçленĕ. Уралта 6 çул пурăннă хыççăн Ф. Лукин композитор чĕннипе Чăваш Ене таврăннă. Çĕрпỹ хулинчи Культура çурчĕн илемлĕх ертỹçин ĕçне кỹлĕннĕ, хĕрсенчен хор йĕркеленĕ. Заочно майпа пĕлĕвне тарăнлатнă. Дипломлă пулса тăрсан, Муркашри Культура çуртне ĕçлеме куçнă. Пилĕк çул тăрăшнă вăл кунта: директор та, илемлĕх ертỹçи те пулнă. Пысăк хор чăмăртанă. Хăйĕн çĕнĕ юррисене пичетленĕ. Чăваш поэчĕсемпе — П. Ялкирпа, Ю. Сементерпе, Г. Беловпа, П. Голицинпа, В. Харитоновпа, Ю. Петров-Вирьялпа тачă çыхăну тытнă. Чăвашрадиопа, унти музыка передачисен редакторĕсемпе, хорта юрлакансемпе — А. Ильинпа, И. Христофоровпа, Т. Гурьевапа, З. Лисицинапа, О. Терентьевапа, çавăн пекех З. Ананьевапа тата К. Чекушкина юрăçсемпе çыхăнса ĕçленĕ. Мăн Шетмĕри вăтам шкулта 10 çул хушши учительте тата библиотекарьте тимленĕ. Ун хыççăн Кушкăри Культура çурчĕн илемлĕх ертỹçинче тăрăшнă, ку хушăрах ялти шкулти 1—7-мĕш классене юрлама вĕрентнĕ. Мăн Шетмĕри “Хĕвелĕм” ача садĕнче те, Ямайкассинчи 8 çул вĕренмелли шкулта та, Карай шкулĕнче те вăй хунă вăл. “Хĕвелĕм” ача сачĕн солисчĕсен сассисем те Чăвашрадио валли çырăннă. Унăн паллăрах юррисем çаксем: “Шăнкăрав курăкĕ”, “Çавра сĕтел хушшинче”, “Çул юхать, юхать”, “Тавтапуç сана, учитель”, “Юратнă учитель”, “Пирвайхи учитель”, “Çуралнă çĕршыв”, “Савни килте пулмарĕ”, “Карăшĕсем улăхра”, “Кĕрхи юрă”, “Савни мана каларĕ”, “Эх, саврăм каччине”, “Çулçине тăкатчĕ хурăн”, “Ан тирке мана эс” тата ыттисем те. Пĕтĕмпе вара 3 пин ытла юрă хывнă, çав шутран 70-шĕ Чăвашрадио фонотекинче упранать. Красноармейски районĕн Гимнне те вăлах çырнă, сăвви — Леонид Антоновăн. Пултарулăхри пысăк ỹсĕмсемшĕн Илья Романовича (вăл — юрăсен 16 кĕнеке авторĕ те) “Чăваш Республикин культурăн тава тивĕçлĕ ĕçченĕ” хисеплĕ ят панă. Чăваш халăх ÿнер тата ăслăлăх академийĕн 2016 çулхи кăрлачăн 23-мĕшĕнчи йышăнăвĕпе килĕшÿллĕн И.Р.Степанов композитора юрă-кĕвĕ тĕнчине аталантарма пысăк тÿпе хывнăшăн Ф.П.Павлов медалĕпе чысланă.

И.Р.Степановпа Красноармейски районĕнчи Кушкă ялĕнче утă уйăхĕн 22-мĕшĕнче сывпуллашаççĕ. Йывăр тăпри çăмăл пултăр.

Миçе çын пăхнă: 97 | Кам хушнă: mixaj_58 | Рейтинг: 5.0/1 |
Пурĕ миçе комментари: 0
Регистраци витĕр тухнă юзерсем çеç комментари хăварма пултараççĕ.
[ Регистрация | Вход ]
  Русская версия | English

    

    

    

Кĕмелли форма
2017 çулхи тĕп пулăмсем
 Чăваш Республики - 97 çулта

Красноармейски районĕ - 82 çулта

В.Н.Васькин (Никитин) - 100 çулта


Борис Романов - 70 çулта 

2017 çул - Аттепе анне çулĕ

Шырав

Кун тăрăм
«  Утă 2016  »
ТнЫтЮнКçЭрШмВр
    123
45678910
11121314151617
18192021222324
25262728293031

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2017