Район шайĕнче кашни çулах тĕрлĕ предметпа олимпиадăсем иртеççĕ. Шкул ачисем вĕсенче пысăк активлăх кăтартаççĕ.
Ноябрĕн 26-мĕшĕнче вара вĕренекенсем хушшинче математика предмечĕпе иртрĕ вăл. Унта районти 12 шкулти 7—11-мĕш классенче пĕлÿ илекен 62 ача хутшăнма кăмăл тунă. Ĕçсене тишкерсе пĕтĕмлетнĕ хыççăн 7-мĕш клавсра вĕренекенсем хушшинче çĕнтерÿçĕ ятне çаксем тивĕçнĕ: пĕрремĕш вырăна А. Егоров (Именкасси шкулĕ, ертÿçи И. Тимофеева) тухнă, иккĕмĕшне — С. Тихонова (Пикшик шкулĕ, Л. Григорьева), виççĕмĕшне А. Федорова (Трак гимназийĕ, Н. Николаева) йышăннă.
Саккăрмĕш класра вĕренекенсенчен çаксене палăртмалла: Н. Соколов (Трак гимназийĕ, Н. Николаева) чи нумай балл пухса пĕрремĕш, А. Дмитриев (Карай, Н. Тимофеева) иккĕмĕш, Д. Сушко (райцентрти иккĕмĕш шкул, Н. Андреева) виççĕмĕш вырăнсене тухма пултарчĕç. Тăххăрмĕшсенчен маттуррисем: пĕрремĕш вырăнта — Р. Федоров (Трак гимназийĕ, И. Федорова), иккĕмĕшĕнче — И. Хайбуллин (Кĕçĕн Шетмĕ, Н. Алексеева), виççĕмĕшĕнче — К. Захарова (райцентрти иккĕмĕш шкул, Г. Андреева).
Райцентрти иккĕмĕш вăтам шкулта вĕренекен А. Исаков 10-мĕш класра вĕренекенсем хушшинче чи лайăххисен шутĕнче пулчĕ. Иккĕмĕш вырăна вара Трак гимназийĕпе райцентри иккĕмĕш вăтам шкул пайларĕç: М. Александровапа А. Павлов. Вĕсене математика предметне И. Федоровапа Н. Андреева вĕрентеççĕ. Виççĕмĕш вырăнта Упи шкулĕнче пĕлÿ илекен Е. Васильева. Ăна çак предметпа пĕлÿ И. Миронова парать.
11-мĕш класра вĕренекенсем хушшинче те çивĕч "кĕрешÿ” пулчĕ. Ĕçсене пăхса тухсан М. Фризена (райцентрти иккĕмĕш шкул, Р. Андреева) çитекенни пулмарĕ. Иккĕмĕш вырăна иккĕн — А. Васильевпа (Трак гимназийĕ, Т. Андреева) С. Данилов (Карай шкулĕ, Л. Проклова) —тухма пултарчĕç. Виççĕмĕшĕнче Н. Никифоров (Еншик Чуллă, С. Пудовкина).

Çакна каласа хăвармалла: олимпиада ыйтăвĕсем кашни çулах йывăрланса пыраççĕ. Çавăнпа та унта хутшăнма тĕплĕн хатĕрленмелле.

Çĕнтерÿçĕсене, паллах, саламлатпăр. Вĕсем хăйсен пĕлĕвне республика шайĕнче тĕрĕслĕç.