Район администрацийĕн пуçлăхĕ


Сайт тытăмĕ

Ытти сайт хыпарĕсем

Ыйтăм
Трак ялĕн чăн-чăн ятне каялла тавăрмалла-и?
Пурĕ миçе хурав: 52

Статистика


Халĕ сайт çинче: 1
Хăнасем: 1
Юзерсем 0
Тĕп страница » 2015 » Чÿк » 2 » Район администрацийĕн çĕнĕ пуçлăхĕ — Сергей Молотков
Район администрацийĕн çĕнĕ пуçлăхĕ — Сергей Молотков
20:08
Сăн ÿкерчĕк

Юпа уйăхĕн 28-мĕшĕнче район депутачĕсен улттăмĕш суйлаври Пухăвĕн черетлĕ иккĕмĕш ларăвĕ иртрĕ. Ăна район депутачĕсен Пухăвĕн председателĕ О. В. Димитриев уçрĕ. Унтан П. Д. Краснована, З. А. Прокопьевана тата Э. П. Семенована “Ĕç ветеранĕн” удостоверенийĕсене пачĕç. Олег Васильевич район Пухăвĕн депутачĕсене — Л. В. Павловпа П. М. Иванована иртнĕ çуралнă кунĕсем ячĕпе ăшшăн саламларĕ. РФ, ЧР тата Красноармейски районĕн Гимнĕсем янăранă хыççăн депутатсем кун йĕркине çирĕплетрĕç. Малалла “Район администрацийĕн пуçлăхĕн должноçне йышăнмалли конкурс итогĕсем çинчен” ыйтупа конкурс комиссийĕн председателĕн çумне, ЧР вĕрентỹ министрĕн çумне С. В. Кудряшова сăмах пачĕç. Сергей Владимирович конкурс комиссийĕн ларăвĕн протоколĕпе паллаштарчĕ, конкурсра виçĕ кандидатурăран ытларах сасăпа С. Л. Молотков çĕнтернине каларĕ. “Район администрацийĕн пуçлăхĕн должноçне çирĕплетесси çинчен” ыйтупа депутатсем, мандат тата шутлав комиссийĕсем (председателĕсем — А. И. Гавриловпа В. В. Тимофеев) туса хурса, вăрттăн сасăлав ирттерчĕç, нумайрах сасăпа каллех С. Л. Молотков çĕнтерчĕ. Вулакансене пĔлме — пирĔн досье. Сергей Львович Молотков çĕнĕ ку должноçа йышăниччен район администрацийĕн пуçлăхĕн çумĕнче-ялхуçалăх тата экологи пайĕн начальникĕнче ĕçленĕ. Вăл 1965 çулхи раштав уйăхĕн 20-мĕшĕнче çуралнă, чăваш, ялхуçалăх аслă пĕлĕвĕ илнĕ, Алманч ялĕнче пурăнать, Чăваш Республикин тава тивĕçлĕ агрономĕ, РФ Агропромышленность комплексĕн хисеплĕ ĕçченĕ. Район пуçлăхĕ О. В. Димитриев С. Л. Молоткова район администрацийĕн пуçлăхне суйланнă ятпа саламларĕ. Сергей Львович вара депутатсене хăйне шаннăшăн тав турĕ, “пирĕн пĕрле пурăнмалла тата район экономикине тĕреклетессишĕн ĕçлемелле, “акăш, рак тата çăрттан” евĕр ĕçлеме юрамасть”, — терĕ. С. Л. Молоткова çĕнĕ должноçа юпа уйăхĕн 28-мĕшĕнчен йышăннă ятпа ЧР Пуçлăхĕн Администрацийĕн представителĕ С. В. Мясников тата “Единая Россия” партин районти вырăнти уйрăмĕн политканашĕн секретарĕ А. В. Шестаков саламларĕç, халăхшăн кирлĕ пархатарлă та çăмăл мар ĕçре ăнăçусем сунчĕç. Район администрацийĕн пуçлăхĕпе контаркт тумалли условисене çирĕплетнĕ хыççăн район пуçлăхĕ-район депутачĕсен Пухăвĕн председателĕ О. В. Димитриев тата район администрацийĕн çĕнĕ пуçлăхĕ С. Л. Молотков контракт çине алă пусрĕç. Депутатсем ларура çавăн пекех район Уставне улшăнусем кĕртрĕç, районти ял тăрăхĕсен бюджечĕсем хушшинчи трансфертсене пайламалли расчетсен методикине çирĕплетрĕç, районăн 2016 çулхи бюджетне хатĕрлесе çирĕплетмелли уйрăмлăхсене пăхса тухрĕç, Красноармейски ял тăрăхĕн муниципаллă харпăрлăхĕнчен районăн муниципаллă харпăрлăхне куçман пурлăх объекчĕсене йышăнчĕç, ытти ыйтусене пăхса тухрĕç. Вĕсемпе район администрацийĕн юридика службин ертсе пыракан специалисчĕ О. И. Васильев, район администрацийĕн пуçлăхĕн çумĕ-финанс пайĕн начальникĕ О. Н. Суховетрюк тата район администрацийĕн çĕр тата пурлăх хутшăнăвĕсен пайĕн начальникĕ А. В. Михайлова тухса каларĕç. Упи ял тăрăхĕн пуçлăхне суйланнă май, лару Надежда Ивановна Димитриеван район депутачĕсен Пухăвĕн депутачĕн полномочийĕсене срокчен чарса лартма йышăнчĕ, район депутачĕсен Пухăвĕн ялан ĕçлекен секретариачĕн йышне Виталий Афанасьевич Афанасьева кĕртрĕ.

Н. Козлова, В. Данилов

Миçе çын пăхнă: 119 | Кам хушнă: mixaj_58 | Рейтинг: 5.0/1 |
Пурĕ миçе комментари: 0
Регистраци витĕр тухнă юзерсем çеç комментари хăварма пултараççĕ.
[ Регистрация | Вход ]
  Русская версия | English

    

    

    

Кĕмелли форма
2017 çулхи тĕп пулăмсем
 Чăваш Республики - 97 çулта

Красноармейски районĕ - 82 çулта

В.Н.Васькин (Никитин) - 100 çулта


Борис Романов - 70 çулта 

2017 çул - Аттепе анне çулĕ

Шырав

Кун тăрăм
«  Чÿк 2015  »
ТнЫтЮнКçЭрШмВр
      1
2345678
9101112131415
16171819202122
23242526272829
30

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2017