Муниципалитет  округĕн пуçлăхĕ





Сайт тытăмĕ

Ытти сайт хыпарĕсем

Ыйтăм
Трак ялĕн чăн-чăн ятне каялла тавăрмалла-и?
Пурĕ миçе хурав: 62

Статистика


Халĕ сайт çинче: 1
Хăнасем: 1
Юзерсем 0
Тĕп страница » 2018 » Чÿк » 16 » Чăваш чĕлхипе литература вĕрентекенсен черетлĕ ларăвĕ
Чăваш чĕлхипе литература вĕрентекенсен черетлĕ ларăвĕ
21:59
Сăн ÿкерчĕк

Чÿк уйăхĕн 15-мĕшĕнче Кĕçĕн Шетмĕ шкулĕнче районти шкулсенче чăваш чĕлхипе литератури вĕрентекенсен методика пĕрлешĕвĕн черетлĕ ларăвĕ иртрĕ. Ку хутĕнче вăл "Чăваш чĕлхипе литератури урокĕсенче çĕнĕ технологисемпе усă курасси" темăпа пулчĕ. Вĕрентекенсене асăннă шкул ачисемпе учителĕсем çăкăр-тăварпа ăшшăн кĕтсе илчĕç, чăваш юрри-ташшипе савăнтарчĕç. Унтан ларăва пухăннисем 5 класра "Уçă сасăсен килĕшĕвĕ" темăпа уçă урок пăхрĕç. Урока çак шкулта чăваш чĕлхипе литератури вĕрентекен Козлова Ирина Николаевна ирттерчĕ. Вăл, паянхи пурнăç ыйтакан çĕнĕлле технологисене алла илсе пыраканскер, урока методика тĕлĕшĕнчен питĕ ăста йĕркелесе пычĕ. Ачасемпе лăпкăн та камăллăн калаçни, темăна уçăмлăн та витĕмлĕн ăнлантарни, ачасене Федерацин патшалăх вĕренÿ стандарчĕ ыйтнă пек ĕçлеттерни пурне те килĕшрĕ. Ачасем чăвашла тĕрĕс те илемлĕ калаçни, тулли хуравсем пама пĕлни, хăйсен шухăшне уççăн палăртни вĕрентекенĕн ăсталăхĕ ÿссе пынине кăтартрĕ.

Ларура ытти ыйтусем тавра та калаçрĕç педагогсем. Трак шкулĕн вĕрентекенĕ Кузьмина Юлия Егоровна "Шкул ачисене тăван чĕлхепе литература урокĕсенче тăван халăхăн йăли-йĕркисене хисеплеме, юратма, вĕсемпе интересленме вĕрентекен формăсем" темăпа хăй еплерех ĕçлесе пыни çинчен каласа кăтартрĕ. Асăннă шкулта ĕçлекен Федорова Ирина Михайловна "Урок йĕркине проект мелĕсене кĕртесси" темăна уçса пачĕ. Пикшик шкулĕнче чăваш чĕлхипе литератури вĕрентекен Тихонова Людмила Анатольевна "Шкул ачисене район шайĕнчи олимпиадăсене хатĕрлесси" çинчен тухса каларĕ. Кĕçĕн Шетмĕ шкулĕн учителĕ "Чăваш чĕлхипе литератури урокĕсенче çĕнĕ технологисемпе усă курасси" темăпа калаçнă май хăйĕн ĕç опычĕпе паллаштарчĕ.

Лару ĕçне Кĕçĕн Шетмĕ шкулĕн ертÿçи Соловьева Альбина Геннадьевна та хутшăнчĕ, шкул пурнăçĕпе ĕçĕ-хĕлĕ çинчен, ачасемпе шкул коллективĕ çинчен каласа кăтартрĕ.

Районти методика пĕрлешĕвĕн ертÿçи Людмила Тихонова Кĕçĕн Шетмĕ шкул администрацийĕпе вĕрентекенĕсене ларăва ăнăçлă та тухăçлă йĕркелесе ирттерме майсем туса панăшăн, тараватлăн кĕтсе илсе ăсатса янăшăн тав турĕ.

Зинаида Михайлова, Красноармейски шкулĕн вĕрентекенĕ

Миçе çын пăхнă: 455 | Кам хушнă: mixaj_58 | Рейтинг: 5.0/1 |
Пурĕ миçе комментари: 0
Регистраци витĕр тухнă юзерсем çеç комментари хăварма пултараççĕ.
[ Регистрация | Вход ]
  Русская версия | English

    

    

    

Кĕмелли форма
2020 çулхи тĕп пулăмсем
 Чăваш Республики - 100 çулта

Красноармейски (Трак) районĕ - 85 çулта

2020 çул - Константин Иванов поэт çулĕ


Николай Ашмарин чĕлхеçĕ çуралнăранпа 150 çул
 Петĕр Яккусен поэт тата чĕлхеçĕ çуралнăранпа
70 çул


Шырав

Кун тăрăм
«  Чÿк 2018  »
ТнЫтЮнКçЭрШмВр
   1234
567891011
12131415161718
19202122232425
2627282930

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2024