К. В. Иванов çуралнăранпа 120 çул çитнине халалласа пирĕн республикăра тĕрлĕ мероприяти нумай иртрĕ. Ку ĕçе чăваш чĕлхин инçет вĕренӳ центрĕ те хутшăнчĕ. Чăваш Республикин Вĕренӳ тата çамрăксен политики министерстви пуçарнипе чăваш поэзи классикĕн юбилейне интернет олимпиада халалларĕ. Олимпиада çу уйăхĕн 15-21-мĕшĕсенче пычĕ, пурĕ ку тупăшăва 978 шкул ачи хутшăннă. Вĕсем хушшинче республика тулашĕнчи чăваш ачисем те пур: Тутарстан, Пушкăртстан, Самар тата Чĕмпĕр облаçĕсем. Çĕртме уйăхĕн пĕрремĕш кунĕнче районсене тата республика тулашне çĕнтерӳçĕсен спиокне ярса пачĕç. Ку йыша пĕтĕмпе 40 вĕренекен кĕнĕ. Вĕсем хушшинче пирĕн район шкул ачисем те пур. Михайлова Диана (Красноармейскинчи 2-мĕш шкул, 5 класс) тата Данилова Мария (Красноармейскинчи 2-мĕш шкул, 6 класс) олимпиадăра çĕнтерӳçĕсем пулса тăнă. Васильева Анна (Красноармейскинчи 2-мĕш шкул, 7 класс) 2-мĕш вырăн йышăннă. Вĕсене В.М.Михайлов тата З.П.Михайлова чăваш чĕлхи вĕрентекенсем хатĕрленĕ. 

Саламлатпăр!!!

Çăлкуç: http://inset.chv.su