Районта машинăпа ĕне сăвакан операторсем тата ĕнесене искусственнăй майпа пĕтĕлентерекен техник-осеменаторсем ăмăртрĕç. Конкурс тулли мар яваплă "Караево" пĕрлешÿре иртрĕ.
Машинăпа ĕне сăвакан операторсен конкурсĕ. Кунта Трак енри тăватă — "Караево", "Красное Сормово", "Янмурзино", "Досаево" — хуçалăхран килнĕ 7 оператор виçĕ енĕпе тупăшрĕ. Вĕсем машинăпа ĕне сурĕç, ĕне сумалли аппаратсене салатса пухрĕç, ыйтусене хуравларĕç. 
Кирек епле ĕçĕн хăйĕн йĕрки, майĕ пур, машинăпа ĕне сăвассин те çаплах. Кунта ĕне сумалли аппарата, ĕнене сума хатĕрлемелле, сумалла тата ытти те. Кашни операци валли вăхăт уйăрнă. Çавна шута илсе палăртаççĕ те ĕçченĕн професси ăсталăхне. Васканă чух алă-ура çыхланмасăр пулмасть паллах. Анчах ĕçе тĕплĕ пĕлекенсем кунта та çухалса каймаççĕ. Акă Яманакри сĕт-çу ферминчи Светлана Данилова оператор ĕне сумалли технологине аван пĕлнине кăтартрĕ, ĕне сумалли "Волга" аппарата та хăвăрт та тĕрĕс салатса пухрĕ. Унпа пĕрле ĕçлекен И. В. Даниловап ... Малалла вула »

Майăн 25—26-мĕшĕсенче çамрăк армеецсен юхăмĕн "Зарницăпа" "Орленокăн" районти ХХХХII финалти вăййисем иртрĕç. Кăçал вĕсене Аслă Отечественнăй вăрçăра Çĕнтерÿ тунăранпа — 65, Трак районне йĕркеленĕренпе 75 çул çитнине халалланă.

Вăйăсен йĕркелÿ комитечĕ кăçал та вĕсене Васнар ялĕнчен тухса Караялла каякан автоçулăн сылтăм енчи вăрман лаптăкĕ çывăхĕнче ирттерме сĕнчĕ. Çулпа çул пĕр килмест. Çамрăк армеецсен вăййисем юрлă-çумăрлă, аслатиллĕ шалкам çумăр çунă, сывлама май çук шăрăх çанталăкра иртнине те астăватăп. Кăçал вара çанталăк ачасене кÿрентермерĕ темелле, вĕсем хăйсене пур енчен те кăтартма пултарчĕç.

Сакăр сехет иртсенех асăннă вырăна сарă тĕслĕ "Шкул автобусĕсем" килме пуçларĕç. Кĕске хушăрах "палаткăсен хули" ÿссе ларчĕ. Шкулсенчен килнĕ поварсем кăвайт чĕртсе апат пĕçерме, чей вĕретме хурансем çакса ячĕç. Мандат комиссийĕ ĕçе кÿлĕнчĕ. Кăçал "Зарницăра" тупăшма районти шкулсенчен 11 отделени кăмăл т ... Малалла вула »