РФ Президенчĕн премине Чăваш Енĕн 10 вĕрентекенĕ тивĕçнĕ. Çакăн çинчен тунтикунхи планеркăра ЧР Пуçлăхĕ Михаил Игнатьев пĕлтернĕ. Михаил Васильевич палăртнă тăрăх - Раççей Президенчĕн «Вĕрентекенсене укçан хавхалантарасси çинчен» указĕпе килĕшÿллĕн республикăн конкурс комиссийĕ педагогсене 200 пин тенкĕ тÿлесе хавхалантармалли конкурса пĕтĕмлетнĕ. Çĕнтерÿçĕсем - Шупашкарти 5-мĕш гимназин историпе обществознани вĕрентекенĕ Ленина Жукова, Çĕнĕ Шупашкарти 6-мĕш гимназин чăваш чĕлхипе литературин вĕрентекенĕ Нелли Краснова, Сĕнтĕрвăрринчи 1-мĕш гимназин географи вĕрен- текенĕ Надежда Мазилкина, тĕп хулари 3-мĕш лицейре вырăс чĕлхипе литератури тата математика вĕрентекенĕсем Людмила Мельниковăпа Елена Сенькова, Тăвайри вăтам шкулăн биологи вĕрентекенĕ Альбина Михайлова, Шупашкарти 44-мĕш лицейре математика вĕрентекен Елена Михайлова, Шупашкарти 2-мĕш лицейĕн хими вĕрентекенĕ Надежда Мокеева, Красноармейскинчи вăтам шкулта пуçламăш классене ăс паракан Галина Никифорова, тĕп хулари 4-мĕш гимназин акăлчан чĕлхи вĕрентекенĕ Алевтина Филиппова. ("Хыпар" хаçатран)