Шупашкарта Чăваш патшалăх университечĕн чăваш филологийĕпе культурин факультетĕнче чăваш чĕлхине тата культурине кăмăллакансен куçăм олимпиади иртрĕ. Унта куçăмсăр майпа (инçет мелпе, интернет урлă) хутшăнса пĕрремĕш турта çĕнтернĕ шкул ачисем хутшăнчĕç. Çав шутра - Красноармейски шкулĕнчи 11-мĕш класра вĕренекен ултă çамрăк ача та. Вĕсенчен пĕри - 11-мĕш "Б" класра вĕренекен Терентьев Евгений - тăван ен культурипе историне питĕ аван пĕлнине кăтартса пачĕ, финалти турта иккĕмĕш вырăн йышăнма пултарчĕ (ăна вĕрентекенĕ тата хатĕрлекенĕ - В.М.Михайлов). Саламлатпăр вĕсене!