Район администрацийĕн пуçлăхĕ



Сайт тытăмĕ

Ытти сайт хыпарĕсем

Ыйтăм
Трак ялĕн чăн-чăн ятне каялла тавăрмалла-и?
Пурĕ миçе хурав: 54

Статистика


Халĕ сайт çинче: 1
Хăнасем: 1
Юзерсем 0
Тĕп страница » 2012 » Пуш » 1 » Трак ен Çăварнине ăcатрĕ
Трак ен Çăварнине ăcатрĕ
18:09
Сăн ÿкерчĕк
Февралĕн 26-мĕшĕнче, вырсарни кун, Красноармейскинчи Çĕнтерÿ паркĕнче йăлана кĕнĕ "Çăварнине ăсатни” уяв иртрĕ. 
Унччен маларах пирĕн редакцине район центрĕнче пурăнакан Г. Дубров обществăлла корреспондент "Эх, çăварни!” сăвă çитерсе пачĕ.

"Ямшăк пушши, чĕн пушши, 
Пилĕк тавра явăнать. 
Ыр кăмăллă çăварни, 
Пĕлĕмпеле хăналать”.., — çырать Гурий Егорович.

Çапла, ку уява вичкĕн сивĕ çил вăйлăн вĕрсе тăнине пăхмасăрах ватти те, вăй питти те, вĕтти те васкарĕ. 11 сехет иртсен вĕсене халăх праçникĕ ячĕпе район администрацийĕн пуçлăхĕ А. Шестаков тата унăн экономика енĕпе ĕçлекен çумĕ, ял хуçалăх, экономика тата обществăлла инфратытăм аталанăвĕн управленийĕн начальникĕ И. Степанов саламларĕç. 
Унтан çĕнетнĕ сцена çинче ял тăрăхĕсенчи художество пултарулăх коллективĕсен концерчĕ пуçланчĕ. Пĕри те тепри хавас юрă-ташăпа куракансене тыткăнларĕ. "Чи лайăх художество номерĕ” номинацире кĕçĕншетмĕсем — пĕрремĕшсем, чатукассисем — иккĕмĕшсем, пикшиксем виççĕмĕшсем пулчĕç. 
Икерчĕ пĕçерекенсен, тутлă та пылак чей хатĕрлекенсен, тĕрлĕ ытти енпе конкурссемпе вăйăсем иртрĕç. Сăмах май, икерчĕсем (йÿçĕ чустаран) Египетра 4,5 пин çул каяллах пĕçернĕ иккен. Халап тăрăх, çакна Давид патша ырланă, уявсенче пурне те икерчĕ пĕçерме хавхалантарнă. Кăçалхи конкурсра вара çак тĕлĕшпе (тĕрлĕ номинацисенче) — карайсемпе красноармейскисем, алманчсемпе пикшиксем маттуртарах пулчĕç. Чей хатĕрлекенсен конкурсĕнче вара малти вырăнсене красноармейскисемпе мăншетмĕсем тата уписем тивĕçрĕç. "Чи лайăх вăйă” номинацире 1—3-мĕш вырăнсене Л. Егорова, Л. Семенова тата С. Васильева çĕнсе илчĕç. 
Механизаторсен урамĕнче çав хушăрах ача-пăча пĕрер лаша кÿлнĕ икĕ лавпа (ямшăкĕсем — А. Меркурьевпа Л. Леонтьев) тата пĕр тройкăпа (Ю. Платонов) ярăнса киленчĕç. Шел, лавсен хисепĕ çулленех сахалланса пыни самаях пăшăрхантарать. 
"Çăварни кÿлеписем” хатĕрлемелли конкурсра пикшиксемпе кĕçĕншетмĕсене тата уписене çитекенни пулман. Тĕрлĕ номинаци-конкурсра мала тухнисене район администрацийĕн пуçлăхĕн çумĕ И. Степанов дипломсемпе тата укçан премисемпе чысларĕ. 
Кирек епле уявăн та вĕçĕ пурах. Кÿлепесене чĕртсе çунтарчĕç те, халăх майĕпен саланма тытăнчĕ. Чăн та, шашлăк пĕçерсе хатĕрлекенсем патĕнчен çынсем вăрахчен татăлмарĕç-ха.

В.Данилов
Миçе çын пăхнă: 195 | Кам хушнă: mixaj_58 | Тегсем: Çăварни | Рейтинг: 0.0/0 |
Пурĕ миçе комментари: 0
Регистраци витĕр тухнă юзерсем çеç комментари хăварма пултараççĕ.
[ Регистрация | Вход ]
  Русская версия | English

    

    

    

Кĕмелли форма
2018 çулхи тĕп пулăмсем
 Чăваш Республики - 98 çулта

Красноармейски (Трак) районĕ - 83 çулта

Геннадий Трофимов (Юмарт) - 80 çулта


Владимир Харитонов - 85 çулта 

2018 çул - Аслă Вĕрентекенĕмĕр И.Я.Яковлев çулĕ

Шырав

Кун тăрăм
«  Пуш 2012  »
ТнЫтЮнКçЭрШмВр
   1234
567891011
12131415161718
19202122232425
262728293031

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2018