Район администрацийĕн пуçлăхĕ



Сайт тытăмĕ

Ытти сайт хыпарĕсем

Ыйтăм
Сайта хак парăр
Пурĕ миçе хурав: 86

Статистика


Халĕ сайт çинче: 1
Хăнасем: 1
Юзерсем 0
Тĕп страница » 2010 » Юпа » 14 » Чăваш наци конгресĕн Президиумĕ чăваш халăхне чĕнсе калани
Чăваш наци конгресĕн Президиумĕ чăваш халăхне чĕнсе калани
17:40
Сăн ÿкерчĕк
Пĕрлĕхшĕн, пуласлăхшăн!
Чăваш наци конгресĕн Президиумĕ чăваш халăхне чĕнсе калани
Хисеплĕ аякри-çывăхри тăванăмăрсем, йăхташăмăрсем!
«Чăваш пĕтсен тĕнче пĕтет», — тесе каланă халăхра авалтан. Йăнăшман пулĕ пирĕн аслă асатте-асаннесем: тĕнче илемĕ, Раççей вăйĕ — кашни халăх аслă çĕрĕмĕр çинче хăйне-хăй пурăнни, аталанни, хăй чĕлхипе культурине упрани.
Чăваш историйĕ пуян: хунн-сувар юнĕ чупать пирĕнре. Хальхи Раççей Федерацийĕнче те тивĕçлĕ вырăн йышăнатпăр эпир: йышпа-шутпа — тăваттăмăш халăх. Эпир ĕçчен халăх. Ĕçре те, усал тăшман тапăнсан та эпир мĕскĕн, айван пулман: харсăр, матур, ытти халăхсемшĕн тĕслĕх вăл, чăваш халăхĕ.
«Эй, чăваш халăхĕ! Хăвна пĕтме ан пар!» — теççĕ пил парса наци чысне çÿле çĕкленĕ СССР халăх артистки Вера Кузьмина, аслă педагог Геннадий Волков тата ытти хастар чăваш çыннисем. «Чăваш ачи, сассуна пар!» — тенĕччĕ гениллĕ поэт Çеçпĕл Мишши. Акă 2010 çулхи юпа (октябрь) уйăхĕнче çак сасса пама вăхăт çитрĕ. Çырав тăвакансем 7-мĕш графари «Эсир хăш наци çынни» тени патне çитсен çирĕппĕн: «Эпĕ чăваш!» — тесе калăр, ачăрсенче те чăваш юнĕ пулнине ан пытарăр. Эсир чăваш тесе çыртарнишĕн пĕлĕт йăтăнса анмасть, ĕлĕкхи пек сирĕнтен пăрăнакан-йĕрĕнекен пулмасть, кĕсъере укçа катăлмасть.
Хамăр халăх шăпишĕн, пуласлăхĕшĕн эпир яваплă. Раççей патшалăхĕн тĕрлĕ халăхсемлĕ пĕрлĕхĕшĕн те чăваш çынни явап тытать.
Эпир, чăвашсем, пĕр шухăшлă пулса пĕр халăх пек пулса юлар. Хăшĕ-пĕрисем «сувар», «шумер», «вирьял» тесе çыртарăр тенине итлер мар: эпир XXI ĕмĕре чăваш тесех кĕнĕ, истори те çакнах çирĕплетрĕ.
Çамрăксем! Хăвăр халăх пуласлăхĕшĕн эсир те яваплă: сассăра тĕрĕс парăр.
Аслисем, шурсухалсем! Ачăрсене, мăнукăрсене тĕрĕс суйлав тума пулăшăр.
Республика тулашĕнчи тăванăмăрсем! Хăвăр чăваш пулнине ан манăр, Республикăри йăхташсем сирĕнпе пĕрле, сире пулăшма хатĕр.
Чăваш интеллигенцийĕ! Эпир сире шанатпăр, ĕненетпĕр: наци пуласлăхĕ пирки сирĕнтен ытларах çунакан çук.
Чăваш çынни, сассуна пар! Пĕрле пулар, хамăр пĕрлĕхе çирĕплетер!
Çапла пултăр!
Миçе çын пăхнă: 232 | Кам хушнă: mixaj_58 | Рейтинг: 5.0/2 |
Пурĕ миçе комментари: 0
Регистраци витĕр тухнă юзерсем çеç комментари хăварма пултараççĕ.
[ Регистрация | Вход ]
  Русская версия | English

    

    

    

Кĕмелли форма
2018 çулхи тĕп пулăмсем
 Чăваш Республики - 98 çулта

Красноармейски (Трак) районĕ - 83 çулта

Геннадий Трофимов (Юмарт) - 80 çулта


Владимир Харитонов - 85 çулта 

2018 çул - Аслă Вĕрентекенĕмĕр И.Я.Яковлев çулĕ

Шырав

Кун тăрăм
«  Юпа 2010  »
ТнЫтЮнКçЭрШмВр
    123
45678910
11121314151617
18192021222324
25262728293031

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2018