70 çул каялла (çурла, 16, 1940) Чăваш Республикин Аслă Канашĕн Президиумĕ Трак районне Красноармейски ятпа ылмаштарма Указ йышăннă, унпа килĕшÿллĕн Малти Трак ял ятне Красноармейски (Хĕрлĕ Çар) çĕнĕ ят панă. Кунсăр пуçне Вăта Трак ялне Липовка (Çăкалăх), Кайри Трак ялне Васнар теме йышăннă.
Эсир мĕнле шутлатăр: Трак ялĕн чăн-чăн ятне каялла тавăрмалла-и? Хăвăр шухăша ыйтăмра е аяларах комментари çырса палăртăр.
Ман шутпа, августăн 16-мĕшне Трак ялĕн кунĕ тесе паллă тума пуçламалла. Вара ял ятне тавăрмашкан çăмăлрах пулать. Район администрацийĕн культура пайĕнче тăрăшса ĕçлекенсене валли ку пуç ватмăш.
Пĕрисем каланă тăрăх, ял ячĕ "трактир" (эрех-сăра ĕçмелли хупах) сăмахпа çыхăннă теççĕ. Ку версие нимĕнле чăнлавпа та çирĕплетме çук. Ку шухăша Красноармейски ят памашкăн коммунистсен идеологĕсем шутласа кăларни паллă. Теприсем ку ял Трак ятлă çын çемйинчен пуçланса кайнă имĕш (кун пек халап чăн та пур). Виççĕмĕшсем каланă тăрăх, трак тени ĕçсе-супса çапкаланса çÿрекен çынна пĕлтерет тени те пур. Юлашки верси те коммунистсен идеологине çирĕплетме кăна кирлĕ пулнă пек туйăнать.
Сайт авторĕ тата модераторĕ-Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Русская версия 
