Нестер Янкас ячĕллĕ Преми парас тĕлĕшпе ĕçлекен комисси ларăвĕ пулнă (председателĕ - В.М.Михайлов). Чăваш литературипе искусствине тата культурине аталантарас енĕпе уйрăмах палăрнăшăн, 2015 çулхи пултарулăх ĕçĕнче çитĕнỹсем тунăшăн районти Н. Янкас ячĕллĕ Преми лауреачĕн хисеплĕ ятне тата лауреатăн чыслав паллине (медальне) çак коллективсемпе уйрăм çынсене пама йышăннă:

— Районти культура çурчĕ çумĕнчи халăх театрне (ертỹçи — К. И. Васильева);

— Кĕçĕн Шетмĕ кану центрне (менеджерĕ — В. И. Петрова);

— Николай Семенович Семенов (Çемен Эреш) поэта;

— Геннадий Гурьевич Гурьев алă ăстине;

— Роза Трофимовна Деменцована, “Чăваш Ен” наци телередиокомпанийĕн радиовещани аслă редакторне.

 Н. Г. Ершов хăй ячĕпе паракан премине иртнĕ çулшăн районти “Ял пурнăçĕ” хаçат редакцийĕн корректорне МАРИЯ СИЛЬВЕСТРОВНА РОМАНОВАНА пама йышăннă.