Иртнĕ кунсенче Трак тăрăхĕнчи шкулсенче истори, географи тата общество пĕлĕвĕ вĕрентекенсен ушкăнĕ (18 вĕрентекен) Чăваш Республикипе юнашар вырнаçнă кÿршĕ Мари ел Республикин шĕкĕр хулине – Йошкар-Олана çул тытрĕç. Унта вĕсем хула центрĕнче çĕкленекен çĕнĕ архитектура микрорайонне çитсе курчĕç, тĕрлĕ паллă вырăнсенче экскурире пулчĕç. Вĕрентекенсене уйрăмах çармăссем хăйсен тĕп хулин историне, унпа çыхăннă паллă çынсен ячĕ-шывне çĕклеме тăрăшни кăмăла кайрĕ тата Европа шайĕнче тăракан архитектура çурчĕсемпе парксем, урамсемпе лапамсем çĕклеме вăй-хал çитерни тĕлĕнтерчĕ. Экскурсие йĕркелекенĕ – районти методика пĕрлешĕвĕн ертÿçи, Красноармейски шкулĕн истори вĕрентекенĕ Илларионова Л.Ю.

Вĕрентекенсем çак хулана районти шкул ачисене те килсе кăтартсан вĕсен пĕлÿпе тавракурăм шайĕ ÿсессе палăртрĕç.