Фоторепортаж

Красноармейски (Трак ен) тĕп вулавăшĕн пÿлĕмĕнче Нестер Янкас ячĕллĕ культурăпа искусство тата литература пĕрлĕх правленийĕн черетлĕ анлă ларăвĕ иртрĕ. Ăна пĕрлĕхĕн правлени председателĕ Иван Прокопьев-Чураль çыравçă ертсе пычĕ, иртсе пыракан 2023 çулта туса ирттернĕ ĕç-хĕле пĕтĕмлетрĕ.
Кунсăр пуçне пайташсем пĕрлĕх ертÿçин çумĕн Виталий Михайлов-Чунтупайăн пĕрлĕх фончĕн укçи-тенки пирки тунă отчётне итлерĕç, Нестер Янкас ячĕллĕ премие илме тата пĕрлĕхĕн чыслав паллисене тивĕçлĕ уйрăм çынсен кандидатурисене пăхса тухрĕç, Нестер Янкас çуралнăранпа 115 çул çитнине тата пĕрлĕх 35 çул тултарнине чыслăн кĕтсе илмелле терĕç. Клавдия Васильева-Тукайăк, Леонид Антонов, Анатолий Алексеев, Георгий Ефимов-Тусли, Николай Никоноров, Владимир Константинов-Улăх паянхи кун тухса тăракан çивĕч ыйтусене çĕклерĕç.
Лару ĕçне ЧНКан Красноармейски (Трак ен) тăрăхĕнчи уйрăмĕн ертÿçи Зинаида Михайлова хутшăнчĕ. Вăл вырăнти уйрăмпа Нестер Янкас пĕрлĕхĕ пĕрле йĕркелесе ирттерекен "Янкас вулавĕсем" наукăпа таврапĕлÿ конференцийĕ пирки каларĕ, унăн 2024 çулхи тематикипе паллаштарчĕ.