2013 çулхи юпа уйăхĕн 26-мĕшĕнче К.В.Иванов ячĕллĕ Чăваш патшалăх академи драма театрĕнче Чăваш наци конгресĕн 8-мĕш съезчĕ пулать. Унăн ĕçне 322 делегат тата 250 яхăн хăна хутшăнать. Вĕсем Раççей çĕршывĕн 24 тăрăхĕнчен, 4 ют патшалăхран, Чăваш Республикин мĕнпур районĕсемпе хулисенчен килеççĕ. Красноармейски (Трак) районĕнчен квотăпа килĕшÿллĕн 4 делегат суйланă. Вĕсем: Гурьева С.А. (районти централизациленĕ вулавăшăн краеведени пайĕн ĕçченĕ), Игнатьева Л.Н. (районти кану центрĕн методисчĕ), Михайлов В.М. (Нестер Янкас ячĕллĕ пĕрлĕхĕн пресс-секретарĕ тата сайт администраторĕ) тата "Тус" ХАО ертÿçи Укаслов Н.Ф.. Хăнасен шучĕпе Нестер Янкас ячĕллĕ пĕрлĕхĕн хисеплĕ ертÿçи Ершов Н.Г. (Янкер) поэт хутшăнать. Съезд 11:00 сехетре пуçланать.

Кун йĕрки:

1. Чăваш наци конгресĕн президиумĕ VII-мĕш съезд хыççăн ирттернĕ тата малашне тумалли ĕçсем пирки.
2. Чăваш наци конгресĕн ревизи комиссийĕн отчёчĕ.
3. Суйлав ыйтăвĕсем.