Юпа уйăхĕн 15-мĕшĕнче Красноармейски ял тăрăхĕн виççĕмĕш созыври депутатсен Пухăвĕн черетлĕ иккĕмĕш ларăвĕ иртнĕ. Унăн ĕçне район администрацийĕн пуçлăхĕн тивĕçĕсене вăхăтлăх пурнăçлакан А. Васильев тата район администрацийĕн юридици службин секторĕн заведующийĕ Т. Барышникова хутшăннă. Красноармейски ял тăрăхĕн пуçлăхне çирĕплетме кандидатсем суйласа илес тĕлĕшпе туса хунă конкурс комиссийĕн председателĕ А. Васильев конкурс комиссийĕн ларăвĕн протоколĕпе паллаштарнă. Конкурсăн иккĕмĕш тапхăрĕн кăтартăвĕсемпе ял тăрăхĕн пуçлăхне суйлама депутатсен Пухăвĕн ларăвне икĕ кандидатура сĕннĕ: В. А. Трофимова тата А. В. Лаврентьева. Вăрттăн сасăласа Красноармейски ял тăрăхĕн пуçлăхĕ пулма Андрей Валентинович Лаврентьев суйланнă. Вăл унччен районти ачасемпе çамрăксен спорт шкулĕн директорĕнче ĕçленĕ.

З. Алексеева