Фоторепортаж

    Литература тата К.В.Иванов çулталăкне халалласа Чăваш чĕлхи кунĕ умĕн Красноармейски районĕн чăваш чĕлхипе литератури вĕрентекенсен творчествăлла ушкăнĕ пуçарнипе Пĕтĕмĕшле вăтам пĕлÿ паракан Упи шкулĕнче Аслă поэтăмăрăн вилĕмсĕр «Нарспине» пăхмасăр илемлĕ вулассипе ăмăрту иртрĕ. Унта пурĕ районти шкулсенчи 13 вĕрентекен хутшăнчĕ. Вулакансем поэмăн кашни сыпăкнех йĕркипе илемлĕ каласа пачĕç.

    Хаклакансем  кашни вулакан куракансене хăйне епле итлеттерме пултарнине, чĕлхе уçăмлăхне, поэма сыпăкĕн хĕрÿ саманчĕсене палăртма пултарнине тата сăнарсен кăмăл-туйăмне уçса пама тăрăшнине шута илчĕç. Çивĕч тупăшура пĕрремĕш вырăна Пĕтĕмĕшле вăтам пĕлÿ паракан Красноармейски шкулĕнчи З.П.Михайлова тухрĕ. Иккĕмĕш вырăна Пĕтĕмĕшле вăтам пĕлÿ паракан Алманч шкулĕнчи Т.Ю.Григорьева тата Красноармейски район администрацийĕн вĕренÿ пайĕн методисчĕ И.М.Федорова тивĕçрĕç. Виççĕмĕш вырăна вара Пĕтĕмĕшле вăтам пĕлÿ паракан Карай шкулĕнчи А.Ю.Никандрова тата Пĕтĕмĕшле вăтам пĕлÿ паракан Упи шкулĕнчи В.В.Васильева çĕнсе илчĕç.

    Маттур вĕрентекенсене ăшшăн саламлатпăр!