Красноармейски район администрацийĕн культурăпа социаллă аталану пайĕн пуçлăхĕ Рена Осипова «Тӗлӗнтермӗш уй» телепередачăна  хутшӑннӑ. Вӑл Леонид Якубовича тухья парнеленӗ. Рена Осипова Чăваш ен тата Трак ен чысне тивĕçлĕ хÿтĕленĕ: http://kinorai.net/2016/10/pole-chudes-7-10-2016/

Рена Михайловна 54 ҫулта. Вӑл телеертӳҫӗ валли парне нумай илсе килнӗ. Тӑванӗпе пӗрле пурин умӗнче те чӑвашла «Ҫумӑр ҫӑвать» юрӑ шӑрантарнӑ.

Рена Михайловна кӑларӑма чӑваш наци тумне тӑхӑнса пынӑ. Красноармейски район администрацийӗн пуҫлӑхӗ Сергей Молотков, Тӑван ҫӗршывӑн Аслӑ вӑрҫин ветеранӗ Михаил Прохоров парса янӑ парнесене те тыттарнӑ. Вӑл тӳрех темиҫе саспаллине уҫнӑ. Анчах, шел те, сӑмаха пӗлеймен, финала тухайман.

Рена Михайловна виҫӗ саспаллине тӗрӗс каласа шкатулка уҫнӑ. Телей ун енче пулнӑ: вӑл 5 пин тенкӗ илнӗ.