Фоторепортаж

Видеорепортаж

Республикăри Вĕрентÿ ĕçченĕсен профессиллĕ пĕрлешĕвĕ Вĕрентекенсен кунне халалласа ирттернĕ хорсен конкурсĕнче Трак ен вĕрентекенĕсен хорĕ те палăрнă. Малтан вĕсем Çĕрпÿ районĕнчи Опытнăй ял тăрăхĕн культура çуртĕнче иртнĕ зонăри конкурсра çĕнтерÿçĕ ятне илнĕ, вара республикăн тĕп конкурсне - финалне хутшăнма тивĕçнĕ. Конкурс финалĕ юпа уйăхĕн 3-мĕшĕнче Шупашкарти Халăх пултарулăх çуртĕнче (Трактор тăвакансен керменĕнче) иртнĕ. Хор унта Николай Карлин сăвăласа кĕвĕленĕ "Шкул вальсĕ" юрăпа ытти 15 хорпа тупăшса лауреат ятне çĕнсе илнĕ. Кунсăр пуçне хорта юрлакан кашни юрăçа (пурĕ 34 çынна) ятарлă парнепе чысланă. Çакна палăртма кăмăллă: трак енсем Чăваш Республикин Элтеперне саламласа икĕ чăвашла юрă юрласа панă. М.В.Игнатьев кăмăллă пулнине пĕлтернĕ, уяв ячĕпе саламланă. Уявра тата Трак енри Упи шкулĕнче ÿнер ĕçне вĕрентекен И.П.Матвеев педагога Чăваш ен Пуçлăхĕ "Чăваш Республикин тава тивĕçлĕ вĕрентекен" ятне тивĕçнĕ ятпа кăкăр çине çакмалли паллăпа чыланă.