Çурла уйăхĕн 26-мĕшĕнче халăх пултарулăхĕн районти çуртĕнче Трак енри вĕрентÿ тытăмĕнче тăрăшакансен йăлана кĕнĕ августри канашлăвĕ пулса иртни çинчен пĕлтернĕччĕ. Унта район администрацийĕн пуçлăхĕн социаллă ыйтусемпе ĕçлекен çумĕ, вĕрентÿ пайĕн пуçлăхĕ Ю. Васильев "Раççей Федерацийĕ "Вĕрентÿ çинчен" çĕнĕ саккунĕн проекчĕпе килĕшÿллĕн Красноармейски районĕнчи вĕрентÿ учрежденийĕсен ĕç-хĕлне йĕркелештерсе тăрассин улшăнăвĕсен тĕп енĕсем" темăпа доклад туса панă. Паянхи номерте çав докладпа тата канашлура тухса каланисен сăмахĕсемпе кĕскен паллаштаратпăр. 
— Çĕнĕ вĕренÿ çулĕ кантăкран шаккать, — тенĕ Юрий Алексеевич. — Паянхи куна çĕр-шывĕпех "Раççей Федерацийĕнчи вĕрентÿ çинчен калакан" çĕнĕ саккун проектне анлăн сÿтсе яваççĕ. Федераци шайĕнчи çĕнĕ саккуна йышăнма вăхăт çитнĕ, мĕншĕн тесен вĕрентÿ тытăмĕнчи мĕн пур шайра çыхăнусăрлăх палăра пуçларĕ. Тÿрремĕнех ыйту тухса тăрать: асăннă документ ял шкулне мĕнле витĕм кÿрĕ? Вăл хăш енĕпе выляса илĕ, хăш енĕпе ... Малалла вула »

Çурла уйăхĕн 18-мĕшĕнче Чăваш патшалăх ÿнер музейĕнче ЧР тава тивĕçлĕ художникĕ Георгий Николаев 80 çул тултарнине халалланă курав уçăлнă. Унта 130 ытла ĕç. Вĕсен хушшинче - акварельпе, пусмапа усă курса ăсталанă картинăсем, эскизсем, документсем, сăн ÿкерчĕксем.
Куракан çутă та пысăк, илемлĕ экспонатсемпе киленнĕ май, ахăртнех, хăйне çеçкери сад пахчине лекнĕнех туять. Этем чунне çывăх эрешсене пусма çине ÿкересси художник пурнăçĕнче чи пĕлтерĕшли тесен те юрать. Ку енĕпе вăл самай пысăк çитĕнÿ тунă. Хăй вăхăтĕнче Шупашкарти пир-авăр комбинатĕнче вăй хунăскер 1000 ытла ÿкерчĕк хатĕрленĕ.
Юбиляра юлташĕсем, ĕçтешĕсем саламларĕç. "Сирĕн пултарулăх - хăйне евĕрлĕ. Эсир çынсем валли хăвăрăн ĕçĕрсенче телей, ăшăлăх, илемлĕх хыватăр”, - терĕ ЧР культура министрĕн пĕрремĕш çумĕ Вячеслав Фошин.
"Георгий Николаевăн ĕçĕсенче вăхăт таппи курăнать. Ку художник пирĕншĕн çĕр-шыв историне пир çине куçарма пĕлнипе паха”, - палăртрĕ Раççей халăх художникĕ Ревель Федоров. ... Малалла вула »