Измаил Григорьев (Исмай Исемпек) 1945 ҫулхи январӗн 5-мӗшӗнче Красноармейски районӗнчи Кӗҫӗн Чуллӑ ялӗнче ҫуралнӑ. Еншик Чуллӑ шкулӗнче ҫичӗ ҫул пӗтернӗ хыҫҫӑн Шупашкарти электромеханика техникумӗнче вӗреннӗ. Ҫамрӑк каччӑн ӗҫӗ-хӗлӗ 1960 ҫулхи майӑн 3-мӗшӗнче пуҫланнӑ. Малтан стройкӑра тӑрӑшнӑ, кайран приборсем тӑвакан заводра комплектовщик, аслӑ технолог пулнӑ. 1964-1995 ҫулсенче - ҫар офицерӗ. Омскри аслӑ ҫар училищинче, Львоври аслӑ ҫар училищинче журналистика факультетӗнче, Му-скаври ҫар академийӗнче, Чӑваш патшалӑх университетӗнче ӑс пухнӑ. Запасри полковник. 1978 ҫулта истори наукисен кандидачӗн диссертацине хӳтӗленӗ.

Ҫарта взвод, рота командирӗ пулнӑ, 1971-1978 ҫулсенче Самарӑри "Защитник Родины" хаҫатра корреспондентра, яваплӑ секретарьте ӗҫленӗ, 1978-1995 ҫулсенче аслӑ ҫар училищинче преподаватель, кафедра ертӳҫи пулнӑ.

Ачаранах сӑвӑсем, тӗрленчӗксем хайланӑ. Стена хаҫачӗсем, алӑпа ҫырнӑ журнал кӑларнӑ. Вунӑ кӗнеке авторӗ, 125 наукӑпа тӗпчев ӗҫӗ ҫыр-нӑ. Вӗсем тӗрлӗ чӗлхепе пичетленнӗ. Писательсен тата Журналистсен союзӗн членӗ. Нестер Янкас ячĕллĕ Преми лауреачĕ.