Район администрацийĕн пуçлăхĕ

Район администрацийĕн
пуçлăхĕн тивĕçĕсене 
вăхăтлăха пурнăçлакан
Григорьев Яков 
Михайлович
Сайт тытăмĕ

Ытти сайт хыпарĕсем

Категорисем
Сăвăçсем [15]
Çыравçăсем [6]
Тĕпчевçĕ-ăсчахсем [13]
Спортсменсем [2]
Артистсем [2]
Тухтăрсем [1]
Юрăçсем [2]
Композиторсем [4]
Художниксем [5]
Публицистсем [3]
Политика ĕçченĕсем [6]
Фольклористсемпе таврапĕлÿçĕсем [3]
Педагогсем [3]
Районăн хисеплĕ гражданинĕсем [8]
Вăрçăпа çар паттăрĕсем [5]
Вăрçăпа ĕç ветеранĕсем [4]
CCCР, РСФСР тата ЧР патшалăх преми лауреачĕсем [12]
Экономикăпа производство йĕркелÿçисем [3]

Ыйтăм
Сайта хак парăр
Пурĕ миçе хурав: 84

Статистика


Халĕ сайт çинче: 1
Хăнасем: 1
Юзерсем 0
Тĕп страница » Статьясем » Фольклористсемпе таврапĕлÿçĕсем

Категорире пурĕ миçе материал: 3
Пурĕ миçе материал кăтартнă: 1-3
Страницăсем:

Сортла: Кунпа
Н. А. Архангельский — Чăваш Енри паллă археолог-этнограф, чиркÿ çынни. Иртнĕ кунсенче паллă ентеш çуралнăранпа 150 çул çитрĕ. Николай Архангельскин Мăн Шетмĕпе Кушлавăш чиркÿ прихучĕсенчи ачасемпе çынсене çутта кăларас, Чăваш тăрăхĕн районĕсенчи археологи тĕпчевне йĕркелес ĕçĕсенчи пĕлтерĕшĕ калама çук пысăк. 
Н. Архангельский 1861 çулхи ака уйăхĕн 23- мĕшĕнче (çĕнĕ стильпе) Мăн Шетмĕ ялĕнче çуралнă. Ашшĕпе аслашшĕ те чиркÿ çыннисем пулнă. Ашшĕ, Александр Иванович Архангельский, Канаш тăрăхĕнчи Шаккăл ялĕнчен. 1938 çултан пуçласа мĕн виличченех — 60 çул Мăн Шетмĕ чиркĕвĕнче пупра ĕçленĕ. Тĕн çыннин йĕркисене пурнăçласа пынипе кăна лăпланман вăл.
Мăн Шетмĕ тăрăхĕнче тĕпленнĕскер, Александр Иванович кĕçех кунта хăйĕн тăванĕсене — Павел Федоровичпа Василий Федоровича — чĕнсе илнĕ. Асли чиркÿре тĕн йăла-йĕркине тытса пыма пулăшнă. Пиччĕшĕнчен 10 çул кĕçĕнрех шăллĕ çăкăр пĕçерме пуçланă. Ахаль мар ăна ку тăрăхра Кулач Ваçлейĕ е Ухсах Ваçок тесе чĕннĕ. Вĕсен çурчĕ Л. И. Михайлов пурăннă кил вырăнĕнче ларнă.
Шăпах Архангельскисем ĕнтĕ Мăн Шетмĕ, каярахпа Кушлавăш (халĕ Вăрнар районне кĕрет) чиркÿ прихучĕсенче пурăнакансене çутта кăларас, шкулсем уçса вĕсенче пулас вĕрентекенсем хатĕрлес ĕçсене йĕркелесе яраççĕ.
Фольклористсемпе таврапĕлÿçĕсем | Миçе хут пăхнă: 320 | Author: Е.Михайлов тата В.Константинов | Кам хушнă: mixaj_58 | Хăçан хушнă: 05.05.2011 | Комментарисем (0)

Патмар Иван Анисимович (1915-1983), уроженец д. Яманаки Красноармейского района Чувашской Республики, фольклорист, участник Великой Отечественной войны. Основные издания: "Ача-пăча юмахĕсем" (Детские сказки), "Ача-пăча вăййисемпе юррисем" (Детские игры и песни), "Чăваш фольклорĕ" (Чувашский фольклор), "Тупмалли юмахсем" (Загадки) и др.

Пурăннă пулсан, 2010 çулхи раштавăн 29-мĕшĕнче 95 çул тултармаллаччĕ Иван Анисимович Патмар. Анчах та вăрçă суранĕсем тата пĕрех май аптратакан чир ăна 1983 çулта пирĕнтен вăхăтсăрах уйăрса кайрĕç. Паллă фольклорист, "Ял пурнăçĕ” хаçатăн çывăх тусĕ çичĕ теçетке тултармасăрах çĕре кĕчĕ. 
Ыранхи кунпа пурăнса, малашлăха ĕмĕтленсе пурăнакан, халăхшăн ĕçлеме çине тăракан çынччĕ Иван Патмар. Халăх сăмахлăхĕн пуянлăхне пĕрчĕн-пĕрчĕн пухас çĕрте вăй-халне те, сывлăхне те шеллемен вăл. Ентеш-фольклорист ятне яланах сума сăватпăр, чĕрере упратпăр эпир. 
Фольклористсемпе таврапĕлÿçĕсем | Миçе хут пăхнă: 575 | Кам хушнă: mixaj_58 | Хăçан хушнă: 30.12.2009 | Комментарисем (0)

Эдисон Иванович Патмар — чăваш çыравçи, сăвăçи. Чăваш Енĕн Красноармейски районĕнчи Яманак ялĕнче 1955 çулхи ака уйăхĕн 11-мĕшĕнче çуралнă.
1997 çултанпа Раççей пĕрлешĕвĕн çыравçи, пĕтĕм тĕнчери баталистсемпе маринистсен пĕрлешĕвĕн членĕ, Нестер Янкаспа Алексей Талвир ячĕллĕ премисен лауреачĕ. Артур Беккерăн ылтăн тата пăхăр медалĕсене илме тивĕçлĕ пулнă. Чăваш халăх академикĕ. Совет Союзĕн тата ытти ют çĕршывсен 7 медальне илме тивĕçлĕ пулнă.
Амăшĕ — Ольга Ивановна, ашшĕ — Патмар Иван Анисимович. Ольга Ивановна культура ĕçченĕ пулса юнашар ялта библиотекарьте ĕçленĕ.
1972-1976 çулсенче Оренбург хулинче аслă пĕлӳ илнĕ. 1979 çулта Киев хулинче 10-мĕш ЦК УПСра вĕреннĕ. 2003 çулта ЧПУра Чăваш филологи факультетне вĕренсе пĕтернĕ. 1993 çулта запаса тухнă, запасри подполковник. Запасра, 1998 çулччен «Патмар» кĕнеке издательствине ертсе пынă, пĕр вăхăт, 1995 çулта, «Защитник Отечества» хаçат редакторĕ пулса ĕçленĕ. 1998 çулччен хăй çырнă хайлавсене, ашшĕн ĕçĕсене редакцилесе, ытти çыравçăсен сăвви-калавне хакласа кĕнекесем кăларнă. Кайран, вĕрентекенсен тата тĕрлĕ çыравçăсен сĕнĕвĕсене шута илсе, икĕ пичет органĕ уçнă — «Халăх ăс-хакăлĕ» журнал тата «Халăх ăс хакăлĕ» журнал библиотеки». 2003-2004 çулсенче Чăваш республикин вĕрентӳ институчĕнче аслă преподавательре ĕçленĕ. 2005 çултанпа - «Капкăн» журнал редакторĕ.
Пĕрремеш сăвви «Ял пурнăçĕ» хаçатăн 1970 çулхи раштавăн 29-мĕшĕнчи 156-мĕш (3197) номерĕнче пичетленнĕ.
Мăшăрĕ, Татьяна Петровна, педагог. Ывăл пур, Сергей ятлă.


Фольклористсемпе таврапĕлÿçĕсем | Миçе хут пăхнă: 580 | Кам хушнă: alex-net | Хăçан хушнă: 09.11.2009 | Комментарисем (0)

  Русская версия | English

    

    

    

Кĕмелли форма
2018 çулхи тĕп пулăмсем
 Чăваш Республики - 98 çулта

Красноармейски (Трак) районĕ - 83 çулта

Геннадий Трофимов (Юмарт) - 80 çулта


Владимир Харитонов - 85 çулта 

2018 çул - Аслă Вĕрентекенĕмĕр И.Я.Яковлев çулĕ

Шырав

Кун тăрăм

Архив

Янкасçăсен сайчĕ

Сайт авторĕ тата модераторĕ- Михайлов Алексей, Чăваш Республикин Президенчĕн 2010,2012 çулсенчи стипендиачĕ, Сайт администраторĕ - Михайлов Виталий Михайлович, Красноармейски шкулĕнче чăваш чĕлхипе общество пĕлĕвĕ вĕрентекен
Copyright alex-net © 2018