Аттай Марк Сергеевич (чăн хушамачĕ Терентьев), — сăвăç. 1905 çулхи ака уйăхĕн 7-мĕшĕнче Етĕрне уесĕнчи (халĕ Чăваш Енĕн Красноармейски районĕ) Олăхри Упи (халĕ Çĕньял Упи) ялĕнче çуралнă. 1942 çулта фронтра вилнĕ.
1934 çултанпа СССРăн ÇП членĕ шутланать.
Янкасри пуçламăш шкулта, Шупашкарти ĕçченсен факультечĕнче вĕреннĕ. «Канаш» хаçат редакциĕнче ĕçленĕ. Çавăн пекех Çĕпĕрте тата Канаш районĕнче ачасене шкулта вĕрентнĕ. Тăван Çĕршывăн Аслă вăрçине хутшăннă, унта хăйĕн пуçне хунă.
Пичетленсе тухнă кĕнекисем:
«Хĕрлĕ сăнă» (1927);
«Çамрăк хунав» (1932).