Красноармейски (Трак) районне туса хунăранпа 75 çул çитнине халалласа районти тĕп вулавăш ĕçченĕсем (ертÿçи - Никитина С.А.) "Асран кайми тăван кĕтес" викторина йĕркелесе ирттерчĕç. Викторинăна хамăр районти шкулсенче вĕренекенсенчен пурĕ 100 ытла ача хутшăннă. 10 ыйтуран тăракан викторина ыйтăвĕсем çине тĕрĕс хуравласа Çĕнтерÿçĕ ятне Красноармейски иккĕмĕш шкулĕн вĕренекенĕсем, "Кăмăл" вĕренÿ пĕрлешĕвĕнче хушма пĕлÿ илекен ачасем (ертÿçи - хушма пĕлÿ паракан педагог Михайлова З.П.), тивĕç пулчĕç. Вĕсем çаксем: Михайлов Алексей (9-мĕш "Б" класран), Яковлева Александра, Лукина Кристина, Данилова Мария (пурте 6-мĕш "Б" класран) тата Журавлева Оксана (7-мĕш "Б" класран). Вĕсене пурне те дипломсемпе тата парнесемпе чысларĕç. Саламлатпăр. Малашне те ăнăçу сунатпăр.