Чăваш Республикин Вĕрентÿ министерстви Учитель çулталăкне халалласа тата ятарлă конкурс ирттерсе республикăри чи лайăх шкулсемпе чи лайăх вĕрентекенсене палăртнă. Чи лайăх шкул ятне пĕтĕмпе 25 шкул тивĕçнĕ, вĕсен шутĕнче "Паянхи куна тивĕçтерекен тытăмлă шкул" номинацире Трак чăваш-нимĕç гимназийĕ çĕнтерÿçĕ пулса тăнă. Чи лайăх вĕрентекенсене палăртакан конкурсра пĕтĕмпе 404 учитель тупăшнă, вĕсенчен 200-шĕ çĕнтерÿçĕ ятне çĕнсе илнĕ. Республикăри чи лайăх вĕрентекенсен шутĕнче пирĕн районти шкулсенче тăрăшакан учительсем те пур. Вĕсем -  "Красноармейски иккĕмĕш вăтам шкулĕ" муниципалитетăн пĕтĕмĕшле вĕрентÿ учрежденийĕнче чăваш чĕлхипе литератури вĕрентекенсем  Зинаида Петровнăпа Виталий Михайлович Михайловсем. Конкурс йĕркипе килĕшÿллĕн вĕсем Учитель кунĕ тĕлне Чăваш Республикин Президенчĕн премине илме тивĕç пулĕç. Саламлатпăр!

... Малалла вула »