2012 çулшăн литературăпа искусство тата культура тытăмĕнче палăрнисене районти Н. Янкас ячĕллĕ премие парассипе çыхăннă сĕнÿсене йышăнма тытăнаççĕ.
Кашни ырă япала, талант хăйĕн хакне тивĕçлех. Конкурса иртсе кайнă çул литературăпа искусство тата культура шайĕнче Трак тăрăхĕшĕн ырми-канми ĕçленĕ, вулакансемшĕн, куракансемшĕн уçăмлă, чун-чĕрене çывăх пысăк пĕлтерĕшлĕ сцена ĕçĕсемпе, юрă-кĕвĕсемпе, куравсемпе, кĕнекесемпе, ытти литература ĕçĕсемпе савăнтарнă, хавхалантарнă ентешĕмĕрсем хутшăнасса шанатпăр эпир. Пулас лауреатсене ĕç коллективĕсенче тишкереççĕ, пĕрлĕх канашĕн ларăвĕнче пăхса тухса пĕтĕмлетме сĕнеççĕ. Материалсем кĕтетпĕр. Правлени район администрацийĕн çурчĕн 107-мĕш пÿлĕмĕнче вырнаçнă.