Упири (Красноармейски районĕ) шкулта федерацин Чăваш Енти инспекторĕ Геннадий Федоров пулнă. Унта тĕрĕс çултан пăрăнса харсăрланнă ачасене тытаççĕ. Вăл хупă шкул шутланать. Геннадий Семеновичпа пĕрле республикăн вĕренӳ министрĕн çумĕ Светлана Петрова тата Красноармейски район пуçлăхĕ Андрей Шестаков ачасене епле условире пурăнтарнипе паллашнă, шкул çĕнĕ вĕренӳ çулне хатĕррине тĕрĕсленĕ. Район администрацийĕн сайтĕнче вырнаçнă кĕске хыпарта Геннадий Федоров мĕн сăлтавпа килнине тата епле асăрхаттарусем тунине палăртман. Вĕренӳ заведенине ĕçĕ-хĕлĕнче кирлĕ сĕнӳсем панă тенĕ.

Çăлкуç: http://www.chuvash.org/