Территорисене симĕслентерсе тирпей-илем кĕртес енĕпе çулленех районта смотр-конкурс ирттереççĕ.
Вăл кăçал та ял тăрăхĕсем, предприятисемпе организацисем тата учрежденисем, уйрăм çынсем хутшăннипе 5 енпе иртрĕ. Смотр-конкурса пурĕ 15 ĕç тăратнă. Вĕсене пăхса тухса çĕнтерÿçĕсене палăртас умĕн ĕç комиссийĕ вырăнсенче те пулса курчĕ.
Номинацисемпе çĕнтерÿçĕсен йышне камсем кĕчĕç-ха? Ялсене тирпей-илем кĕртессипе, акă, пĕрремĕш вырăна Мăн Шетмĕ (I степеньлĕ дипломпа 20 пин тенкĕ преми), иккĕмĕшне — Упи (II степеньлĕ дипломпа 10 пин тенкĕ), виççĕмĕшне Кĕçĕн Шетмĕ (III степеньлĕ дипломпа 5 пин тенкĕ) ялĕсем йышăнчĕç.
Организацисен территорийĕсене симĕслентерсе тирпей-йĕркене кĕртессипе малти виçĕ вырăна "Бытовик” ХАО, Красноармейскинчи райпо тата "Чесла” ООО тивĕçрĕç, вĕсене I—II—III степеньлĕ дипломсемпе чыслаççĕ тата 10000—5000—3000 тенкĕ укçан преми параççĕ.
Социаллă сферăри учрежденисен территорийĕсене тирпей-илем кĕртессипе 1—2—3-мĕш вырăнсенче — Именкасс ... Малалла вула »

2013 çулхи çурла уйăхĕн 10-мĕшĕнче çĕрле 1 сехетре Кĕçĕн Шетмĕ ял тăрăхĕн пуçлăхĕ 45 çулхи Николай Пантелеймонов тытса пыракан Lada Kalina машина çул-йĕр инкекне лексе кювета йăванса кайнă. Унпа юнашар пуçлăхăн 41 çулхи арăмĕ ларнă, вăл самаях аманнă. Хĕрарăма Красноармейскинчи район больницине илсе çитернĕ, ăна тивĕçлĕ медицина пулăшăвĕ панă. Ку ĕç-пулăм пирки халĕ следстви пырать. Çакă паллă, медицина кăтартăвĕсем тăрăх, водитель-пуçлăх руль умне ÿсĕр пуçпа ларнă. 

Çăлкуç: http://chuvashia.sledcom.ru/news/detail.php?news=16532