Нумаях пулмасть Мускавра Раççейри массăлла информаци хатĕрĕсен «Раçсейри пахалăхлă пресса тата унăн аталанăвĕ» ĕçлĕ форум иртнĕ. Унтах «Прессăн ылтăн фончĕ — 2014» палла тивĕçнĕ пичет кăларăмĕсене чысланă. Çак палла тата свидетельствăна форум йĕркелӳçисен аллинчен «Советская Чувашия» редакторĕ Владимир Васильев, «Грани» хаçат редакторĕ Наталья Колыванова, «Ял пурнăçĕ» Красноармейски район хаçачĕн редакторĕ Иван Прокопьев илнĕ.

Пĕтĕмпе Чăваш Енри 10 пичет кăларăмĕ «Прессăн ылтăн фончĕ — 2014» палла тивĕçнĕ. Çӳлерех асăннисемсĕр пуçне çак йыша «Республика», «Çĕнтерӳ ялавĕ» (Муркаш районĕ), «Ĕç ялавĕ» (Етĕрне районĕ), «Тăван ен» (Шупашкар районĕ), «Çĕнтерӳ çулĕ» (Вăрнар районĕ), «Пенсионер Чувашии» хаçатсем, «Моя империя» журнал кĕнĕ.

... Малалла вула »