Красноармейски район администрацийĕнче район энциклопедине хатĕрлесе çитерсе  пичете парас ыйтупа редколлегипе редакци канашĕн пĕрлехи ларăвĕ иртрĕ. Ларăва район администрацийĕн пуçлăхĕ С.Л.Молотков ертсе пычĕ. Ларура редколлегин ертÿçи - энциклопеди тĕп редакторĕ В.М.Михайлов, унăн çумĕ И.А.Прокопьев, редакци канашĕн пайташĕ М.П.Прохоров тухса калаçрĕç. Пухăннисем энциклопедине пичетлесе кăларас ĕçе хăвартлатмалли канашсем тата ăна пахалăхлă хатĕрлесе çитерессипе çыхăннă сĕнÿсем пачĕç. Канашлăва район администрацийĕн социаллă аталану пайĕн пуçлăхĕ Р.М.Осипова тата район администрацийĕн тĕп бухгалтерĕ Л.Н.Ильина хутшăнчĕç. Сăмах май, энциклопедин ку таранччен хатĕрленĕ калăпăшĕ 1570 страницăна (пĕтĕмпе 6 пухмăша) çитнĕ. Халĕ редакци канашĕн вулавĕ пырать. Редколлеги материалсене малашне те йышăнма хатĕр.