Нестер Янкас ячĕллĕ пĕрлĕх 2025 çулшăн литературăпа искусство тата культура аталанăвĕнче палăрнисене Красноармейски муниципалитет округĕн Нестер Янкас ячĕллĕ преми лауреачĕн ятне парассипе çыхăннă сĕнÿсене йышăнма тытăнать. Кăçал çак ĕç 2026 çулхи нарăс уйăхĕн 20-мĕшĕччен пырать, мĕншĕн тесен çак кун чăвашсен паллă поэчĕ, Трак тăрăхĕнче ÿссе çитĕннĕ Нестер Кириллович Янкас поэт çуралнăранпа 117 çул çитет. Уяв ячĕпе Красноармейски Культура çуртĕнче лауреатсен пысăк концерчĕ пулать тата çĕнĕ лауреатсене чыслаççĕ.
Кашни ырă япала, пултарулăх хăйĕн хакне тивĕçлех. Конкурса иртсе каякан çулта литературăпа искусство тата культура шайĕнче Трак тăрăхĕшĕн ырми-канми ĕçленĕ, вулакансемшĕн, куракансемшĕн уçăмлă, чун-чĕрене çывăх та пысăк пĕлтерĕшлĕ сцена ĕçĕсемпе, юрă-кĕвĕсемпе, куравсемпе, кĕнекесемпе, ытти пултарулăх ĕçĕсемпе савăнтарнă ентешĕмĕрсем хутшăнасса шанатпăр эпир.
Пулас лауреатсен ĕç-хĕлне коллективсенче тишкерсе тухмалла, документсене тăратса Нестер Янкас ячĕллĕ пĕрлĕх правленийĕн (канашĕн) ларăвĕнче пăхса тухса пĕтĕмлетмелле, ăна Нестер Янкас ячĕллĕ пĕрлĕхĕн наградăсем паракан комиссин пăхса тухса çирĕплетмелле.. Кандидатсенчен автобиографи, икĕ сăн ÿкерчĕк, çирĕплетнĕ пултарулăх характеристики кĕтетпĕр. Правлени канашĕ салари Тĕп библиотекăн вулавăш пÿлĕмĕнче (2-мĕш хутра) вырнаçнă.
Наградăсем парас енĕпе ĕçлекен комисси председателĕ, Нестер Янкас ячĕллĕ пĕрлĕх правленийĕн председателĕн çумĕ - Михайлов В.М., Красноармейски вăтам шкулĕн вĕрентекенĕ, таврапĕлÿçĕ, Раççей пĕтĕмĕшле вĕрентĕвĕн хисеплĕ ĕçченĕ (2010), Чăваш халăх академикĕ (2015), Чăваш халăх ăс-хакăлĕн тава тивĕçнĕ ăсти (2019), Н.К. Янкас ячĕллĕ Преми лауреачĕ (1999), Чăваш наци ăслăлăхпа ÿнер академийĕн лауреачĕ (2023).
Кĕтетпĕр!
#НестерЯнкасячĕллĕПреми
#НестерЯнкасячĕллĕпĕрлĕх
#НестерЯнкасПремилауреачĕ
#Трак_ен
#КрасноармейскиМО