Именкасси каччи, филологи наукисен кандидачĕ Эдуард Фомин черетлĕ кĕнеке пичетлесе кăларнă. Çак темăпа кунччен тухнă унăн кĕнекисенчен пĕри "1000 те пӗр сӑмах чӑвашла: ӳкерчӗклӗ сӑмах кӗнеки” ятлăччĕ, ăна чăвашла вĕренме кăмăллакан ачасем валли çырнăччĕ. Кĕнекене "Хавал" тата "Ăнăçу чĕлхи" обществăлла организацисем кăларма пулăшнăччĕ. Тин çеç тухни вара - "Чи хитре чĕлхе". Вăл пин экземплярпа тухнă. Унта чăваш чĕлхин илемлĕхĕпе техĕмлĕхне, унăн пурнăçри вырăнĕпе пĕлтерĕшне пит аван уçса панă. Эдуард Фоминăн диссертацийĕ Э.В.Фомин "Чăвашла-финла словарь" кĕнекен авторĕсенчен пĕри (Чувашско-финский словарь (фин. Tšuvassilais-suomalainen sanakirja) — вышедший в свет в 2007 году в Финляндии языковый словарь). Кунсăр пуçне "Чĕлхе терминĕсен чăвашла-вырăсла-нимĕçле-акăлчанла словарĕ" кĕнеке авторĕсенчен пĕри (Иванова, А. М. Чĕлхе терминĕсен чăвашла-вырăсла-нимĕçле-акăлчанла словарĕ / А. М. Иванова, Т. А. Кулакова, В. М. Лемская, Э. В. Фомин ; Чăваш патшалăх университечĕ. — Шупашкар, 2008. — 147 с. — Перевод заглавия : Чувашско-русско-немецко-английский словарь лингвистических терминов. ISBN 978-5-7677-1168). Тата "Пĕлтерĕшсĕр чăваш сăмахĕсен кĕнеки" кĕнекен авторĕ те (Материалы для словаря агнонимов чувашского языка = Пĕлтерĕшсĕр чăваш сăмахĕсен кĕнеки / составитель Э. В. Фомин. — Чебоксары : ООО "Издательский дом «Пегас», 2013. — 258 с. ISBN 978-5-91225-055-2).
| 
Русская версия 
