Чăваш халăхĕн ĕç, наци тата культура йăли-йĕркине малалла çирĕплетсе пырас, Тăван çĕр-шыв хÿтĕлевçисен çар мухтавне тата паттăрлăх историне илемлĕх хатĕрĕсемпе пропагандăлас, çамрăксене патриотла воспитани парас, тăван ене хисеплесе юратма вĕрентес тата сывă пурнăç йĕркине анлăрах сарас тĕллевпе кăçалхи июнĕн 4-мĕшĕнче, шăмат кун, Краноармейски ялĕнче, вăрман çывăхĕнчи "Факел” стадионта, йăлана кĕнĕ ĕç, юрă тата спорт уявне — "Ака туй-2011” — ирттереççĕ. 
Хальхинче ăна Раççей космонавтикин çулталăкне тата хамăр ентеш — Совет Союзĕн Геройĕ В. В. Васильев çуралнăранпа 100 çул çитнине халаллаççĕ. 
"Ака туй” ирттерме район администрацийĕн пуçлăхĕн йышăнăвĕпе йĕркелÿ комитетне туса хунă, унăн председателĕ — район администрацийĕн пуçлăхĕн экономика ыйтăвĕсемпе ĕçлекен çумĕ — ял хуçалăх, экономика тата обществăлла инфратытăм аталанăвĕн управленийĕн начальникĕ И. В. Степанов.