Аслăрах ÿсĕмрисем армана çăнăх авăртма çÿренине астăваççĕ пуль-ха. Халĕ ун пек экспоната сайра курма пулать. Красноармейски районĕнчи Яманак ялне çитме сĕнетпĕр. Унта иртнĕ ĕмĕрĕн 50-мĕш çулĕсенче хута янă шыв арманĕ пур. Унашкалли республикăра пĕрре çеç упранса юлнă. Арман историйĕ кăсăклă. Ĕненетĕр-и: ку объекта тăвас шухăш тыткăна лекнĕ нимĕçсен пулнă, вĕсем Тăван çĕршывăн Аслă вăрçи хыççăн Мари Элта ĕçленĕ. Хăйсен мастерне, пирĕн ентеше, пĕчĕк юхан шыв çинче пысăках мар гидроэлектростанци тума сĕннĕ. Лешĕ часах Чăваш Ене чертежсемпе тата расчетсемпе çитнĕ. +апла майпа Мăн Шетмĕ юхан шывĕ çинче гидроэлектростанци хута янă, Яманакри çуртсенче «Ильич лампочки» çунма пуçланă. Каярахпа, яла электричество пысăк электростанцисенчен çитсен, вырăнти ГЭС кирлĕ пулман. Унпа мĕнле усă курмалли меле часах шухăшласа тупнă - генератор вырăнне кăлтăртăк /жернова/ лартнă, ăна урăх вырăна куçарнă. Çапла гидроэлектростанци шыв арманĕ пулса тăнă. «Яманак арманĕнче авăртнă çăнăхран пĕçернĕ çăкăр питĕ тутлă, кăпăшка,çемçе пулатчĕ. Тути халĕ те асрах», - терĕ Кĕçĕн Шетмĕ ял тăрăхĕн пуçлăхĕ Галина Ефимова. Электричествăпа ĕçлекен çăнăх авăртмалли хатĕрсем тухсан та кил хуçи хĕрарăмĕсем шыв арманне çÿренĕ. Арман 2002 çулччен ĕçленĕ. Халĕ вăл туристсене илĕртме пулăшакан объект, анчах ăна реставрацилемелле. Галина Ефимова тата Светланăпа Валерий Мефодьевсем çак вырăнта кану бази тума ĕмĕтленеççĕ. Проект хатĕр, хальлĕхе укçа çитсе пыманни çеç ура хурать. Вĕсем республика ертÿлĕхĕ пулăшасса шанаççĕ. Яманак тăрăхĕнче илемлĕ вырăнсем татах пур. Тĕслĕхрен, кÿлĕ. Унта аистсем вĕçсе килеççĕ, кăкшăм курăкĕ ÿсет. «Чунра йывăр чухне шыв арманĕ патне каятăп. Шыв хăват парать пек туйăнать», - терĕ Яманакра пурăнакан Галина Ефимова. Тĕрĕсех калать вăл, пирĕн кăна чикĕ леш енне каймалла мар, ют çĕршыври çынсен те Чăваш Ене килсе курмалла.Аслăрах ÿсĕмрисем армана çăнăх авăртма çÿренине астăваççĕ пуль-ха. Халĕ ун пек экспоната сайра курма пулать. Красноармейски районĕнчи Яманак ялне çитме сĕнетпĕр. Унта иртнĕ ĕмĕрĕн 50-мĕш çулĕсенче хута янă шыв арманĕ пур. Унашкалли республикăра пĕрре çеç упранса юлнă. Арман историйĕ кăсăклă. Ĕненетĕр-и: ку объекта тăвас шухăш тыткăна лекнĕ нимĕçсен пулнă, вĕсем Тăван çĕршывăн Аслă вăрçи хыççăн Мари Элта ĕçленĕ. Хăйсен мастерне, пирĕн ентеше, пĕчĕк юхан шыв çинче пысăках мар гидроэлектростанци тума сĕннĕ. Лешĕ часах Чăваш Ене чертежсемпе тата расчетсемпе çитнĕ. +апла майпа Мăн Шетмĕ юхан шывĕ çинче гидроэлектростанци хута янă, Яманакри çуртсенче «Ильич лампочки» çунма пуçланă. Каярахпа, яла электричество пысăк электростанцисенчен çитсен, вырăнти ГЭС кирлĕ пулман. Унпа мĕнле усă курмалли меле часах шухăшласа тупнă - генератор вырăнне кăлтăртăк /жернова/ лартнă, ăна урăх вырăна куçарнă. Çапла гидроэлектростанци шыв арманĕ пулса тăнă. «Яманак арманĕнче авăртнă çăнăхран пĕçернĕ çăкăр питĕ тутлă, кăпăшка,çемçе пулатчĕ. Тути халĕ те асрах», - терĕ Кĕçĕн Шетмĕ ял тăрăхĕн пуçлăхĕ Галина Ефимова. Электричествăпа ĕçлекен çăнăх авăртмалли хатĕрсем тухсан та кил хуçи хĕрарăмĕсем шыв арманне çÿренĕ. Арман 2002 çулччен ĕçленĕ. Халĕ вăл туристсене илĕртме пулăшакан объект, анчах ăна реставрацилемелле. Галина Ефимова тата Светланăпа Валерий Мефодьевсем çак вырăнта кану бази тума ĕмĕтленеççĕ. Проект хатĕр, хальлĕхе укçа çитсе пыманни çеç ура хурать. Вĕсем республика ертÿлĕхĕ пулăшасса шанаççĕ. Яманак тăрăхĕнче илемлĕ вырăнсем татах пур. Тĕслĕхрен, кÿлĕ. Унта аистсем вĕçсе килеççĕ, кăкшăм курăкĕ ÿсет. «Чунра йывăр чухне шыв арманĕ патне каятăп. Шыв хăват парать пек туйăнать», - терĕ Яманакра пурăнакан Галина Ефимова. Тĕрĕсех калать вăл, пирĕн кăна чикĕ леш енне каймалла мар, ют çĕршыври çынсен те Чăваш Ене килсе курмалла.