Республикăри СМИсем пĕлтернĕ тăрăх регионти "Пĕрлĕхлĕ Раççейĕн Çамрăк Гварди" пĕрлешĕвне пирĕн ентеш, Раççей патшалăхĕн социаллă университечĕн Шупашкарти филиалĕн 4-мĕш курсĕнче вĕренекен Станислав Трофимов ертсе пыма пуçлать. Вăл унччен Красноармейски районĕнчи вырăнти "Пĕрлĕхлĕ Раççейĕн Çамрăк Гварди" пĕрлешĕвне ертсе пынă.

Çак кунсенче Станислав пирки тата çĕнĕ хыпар илтрĕмĕр: Чăваш Республикин Элтеперĕ ăна ытти самрăк лидерсемпе пĕрле çамрăксене паракан Чăваш патшалăх премине парасси çинчен Указ алă пуснă. Станислав Трофимов ăна "Ытларах таса сывлăшшăн кĕрешер" программăна пурнăçа кĕртессишĕн тăрăшнăшăн тивĕçнĕ.