Республикăн ЗАГС ĕçченĕсем ашшĕ-амăшĕ хăйсен ывăл-хĕрне мĕн ят панине тишкерсе тухнă. 2012–2013 çулсенче сайра пулин те, анчха чăваш ячĕсем те пуррине асăрханă. Вĕсем: Илемпи, Синерпи, Пинерпи, Пинеслу, Саламби. Çапла, кашниех хĕрарăм ячĕсем.
Ытти ята илсен хальхи вăхăтра авалхи вырăс тата Библири ятсене хурас йăла час-час тĕл пулать иккен. Авалхи вырăс ячĕсем терĕмĕр-ха. Анчах чăн вырăсла Ваççăсемпе Петьăсем паян манăçса пыраççĕ иккен. Иртнĕ ĕмĕрĕн 70-мĕш çулĕсенче вара шăпах çав ятсене нумай суйланă.
Хĕрарăм ячĕсенчен паян ыттисенчен сайра тĕл пулакан Аида, Властилина, Гера, Дельфина, Добромира, Доминика, Женевьева, Ива, Иоланта, Мадонна, Максим, Миляуша, Павла, Хадиджа, Чулпан, Саида, Ярославна йышшисене суйлакнасем те пур-мĕн. Чиркӳри ятсенче е классикăлла хайлавсенче кăна тĕл пулаканнисене: арçын ачасенчен — Гордей, Глеб, Матвей, Савелий, Арсений, Демьян, Прохор, Захар, Елисей, Савва, хĕрачасенчен — Анисия, Есения, Таисия, Устиния, Варвара текеннисене суйлакансем йышлă иккен.