Тăваттăмĕш çул шкул ачисемпе вĕрентекенсем хушшинче Республикăмăрта иртекен литература конкурсĕ «Ĕмĕтсен çăлкуçĕ» ятпа пулчĕ — хутшăнакансен хăйсен сăвă-калавне шывпа çыхăнтарса хайлама тиврĕ. Хушма темăна та суйланăччĕ — Атăлçи Пăлхарстан. 
Тĕнче тетелĕнчи çак конкурса ачасемпе çамрăксене тата чăваш чĕлхипе литературине, культурине вĕрентекенсене чăваш халăхĕн кун-çулĕпе кăсăклантарас, литература пултарулăхне аталантарас, çутçанталăкри, тăван тавралăхра пулса иртекен чи кăсăк енсене илемлĕ литература мелĕсемпе уçса пама хавхалантарас тĕллевпе йĕркеленĕччĕ.
Кăçал хутшăнакансем пĕлтĕрхи пек йышлăн пулмарĕç — 50 яхăн хайлав çеç. Çапах Трак ен ачисем йышлăн хутшăнни савăнтарчĕ. Вĕсенчен çĕнтерÿçĕсем çаксем пулса тăчĕç:

6-7 классенчи ачасен калавĕ-юмахĕ

• 1-мĕш вырăн: Надежда Козлова çырнă «Шыв пики» пьеса. Красноармейски шкулĕн вĕренекенĕ. Тĕппипе илсен, ку пайра мала тухакансем пурте çак шкултан пулчĕç тесен те йăнăш мар.
• 2-мĕш вырăн: Кристина Аркадьева çырнă «Виртуаллă экскурси» калав. 
• 2-мĕш вырăн: Лидия Кузнецова çырнă «Ылхан кӳлли» калав.
• 3-мĕш вырăн: Анастасия Харитонова çырнă «Çичĕ хĕр» калав.
• 3-мĕш вырăн: Елена Григорьева çырнă «Çăлкуç хуçи» калав. Вăл та Красноармейски шкулĕнчен.

8-9 классенчи ачасен хайлавĕсем

Ку ӳсĕмри ачасен хайлавĕсем çителĕксĕр пулнипе сăввине те калавне те пĕрле ушкăнласа хакларăмăр.

• 3-мĕш вырăн: Оксана Журавлёва çырнă «Кӳлĕре» калав. Красноармейскинчи шкулта пĕлӳ пухать.
• 3-мĕш вырăн: Дмитрий Макаровăн «Туслă çемье» калавĕ. Вăл та Красноармейскинчи шкулта пĕлӳ пухать.

Вĕрентекенсен калавĕ, юмахĕ

• 1-мĕш вырăн: Зинаида Михайлова хайланă «Çăмарта кӳлли» калавĕ. Красноармейски шкулти чăваш чĕлхипе литературине вĕрентекен.

Ăмăртăва хутшăнакансем пурте маттур! Вырăнĕ кашнине лекмерĕ пулсан та эсир мухтава тивĕç! 

Çĕнтурӳçĕсем парнесĕр юлмĕç — 1-мĕш вырăн йышăнакансене 60х40 см пысăкăш карттин, иккĕмĕш вырăна тухнисене 40х30 см пысăкăшши, ыттисене 30х20 пысăкăш рамкăри сăнӳкерчĕк лекĕ. Асăннă ачасен ертÿçисем - Красноармейски шкулĕнче чăваш чĕлхипе литератури вĕрентекенсем - Зинаидăпа Виталий Михайловсем. Мухтав вĕсене!