Çĕньял Упи ялĕнче çуралса ÿснĕ Алексей Васильевич Захаров скульптор (вăл, 1949 çулта çуралнăскер, хăй вăхăтĕнче И.Я.Яковлев ячĕллĕ педагогика институчĕн художествăпа графика факультетне пĕтернĕ) чăвашсен паллă поэчĕ, халăха хÿтĕлеме кар тăнă, Степан Разин çарĕнче паттăррăн çапăçнă Искей Пайтулĕ çар паттăрĕн (полковникăн) палăкĕн проект эскизне хатĕрленĕ. Ăна ку проекта хатĕрлеме Чăваш халăх писателĕ, Нестер Янкас ячĕллĕ Преми лауреачĕ Юхма Мишши çыравçă хавхалантарнă. Сăмах май, Пайтул çуралнăранпа кăçал 343 çул çитрĕ. Поэтăн 340 çулхине Трак тăрăхне кĕрекен Сурăмхĕрри ялĕнче (хăш-пĕр историксем каланă тăрăх вăл çак ялта çуралса ÿснĕ) анлăн паллă тунăччĕ, ăна асăнса йывăç юпа та лартса хăварнăччĕ (кунта пăхăр). 

Çак палăка поэт тата çар пуçĕ çуралнăранпа 350 çул çитнĕ тĕле вырнаçтарса лартсан пит аванччĕ.