1997 çултанпа ĕнтĕ Трак енре "Шетмĕпе Çавал кĕввисем" юрă-кĕвĕ фестивальне ирттереççĕ. Кĕçех 15 çул çитет унтанпа. Ку - хăйне май юбилей. Вăл кăçал пуш уйăхĕн 29-мĕшĕнче иртмелле. Ăна хатĕрленсе фестиваль сайтне (http://zavalmuz.ucoz.ru/) уçнă. Сайтра фестивалĕн кĕске историне çырса панă. Унтах иртнĕ çулсенчи фестивальсен йĕркине, гала-концерт программисене, лауреатсен ятлăхне вырнаçтарнă. Сăн ÿкерчĕксен галерейи те пур. 

Асăннă сайта Нестер Янкас ячĕллĕ пĕрлĕх правленийĕ йышăннипе уçнă. Сайт модераторĕ - Н.Янкас ячĕллĕ пĕрлĕхĕн пресс-секретарĕ - Михайлов В.М.. Вăл Красноармейски шкулĕнче чăваш чĕлхипе литератури вĕрентет.