«Эпĕ - Раççей гражданинĕ». Çакăн пек ятпа Чăваш Республикинчи аслă классенче вĕренекен яшсемпе хĕрсем олимпиадăна хутшăнса хăйсен пĕлĕвне тĕрĕслерĕç. Раççей тата Чăваш Республикин историйĕпе, Конституципе, Раççейре иртекен пулăмсемпе, политикăри лару-тăрупа çыхăннă тест ыйтăвĕсене хуравларĕç. Асăннă конкурса Трак ен ачисем те хастар хутшăнчĕç. Районăн пĕрлештернĕ командинче 5 ача пулчĕ. Вĕсенчен виççĕшĕ - Красноармейски шкулĕнчен, иккĕшĕ - Трак шкулĕнчен. Çивĕч тупăшура 37 командăран пирĕн ачасем 17 вырăн йышăнма пултарчĕç. Тупăшăва хатĕрлекенсем - шкулта общество пĕлĕвĕ паракан В.М.Михайлов тата В.В.Борисова вĕрентекенсем.