Республикăра Вĕрентекен çулталăкне халалланă "XXI ĕмĕрти учитель. Чи лайăх сайт" конкурс вĕçленнĕ. Унта 13 муниципалитетран тата 4 хуларан 91 вĕренекен хутшăннă, 54 сайт тăратнă. Конкурсантсем хăйсен юратнă вĕрентекенĕ çинчен  виртуаллă музей хатĕрленĕ. Çĕнтерÿçĕсем хушшинче пирĕн районтан Красноармейски иккĕмĕш шкулĕнче 10-б класра вĕренекен Михайлов Алексей та пур. Вăл хăйĕн ĕçне çак шкулта чăваш чĕлхи вĕрентекен Зинаида Петровна Михайловăна халалланă (http://www.teacher21.3dn.ru/) . Саламлатпăр!