Православи çыннисем Таса Çимĕк уявне — чиркÿ праçникĕсен тĕп 12 уявĕнчен пĕрне — Христос чĕрĕлсен Мăн кун хыççăн 50 кунтан паллă тăваççĕ. Çавăнпах ĕнтĕ ăна халăхра Пятидесятница теççĕ.
Чăвашсем мĕн ĕлĕк-авалтан çурхи ĕçсем хыççăн тĕрлĕ уявсем ирттернĕ. Çуллахи уявсен шутне Çимĕк те кĕрет. Мĕн ĕлĕкренех çав кун кирек епле ĕçе те пăрахнă, тăван-хурăнташпа пĕрле ĕçсе çинĕ.Çимĕк ыран тенĕ чухне ваттисен праçникĕ. Ятарласа пирĕнтен уйрăлса кайнисене асăнса сăра вĕретсе хатĕрлеççĕ, кукăль-икерчĕ пĕçереççĕ, çăмарта хăпартаççĕ, вилнĕ çынсене асăнаççĕ. Ырă йăла пур пирĕн тăрăхри чăвашсен: Çимĕк кун пирĕн шур сухалсем асăннă уява тĕплĕн хатĕрленнĕ. Ятарласа ир-ирех тăрса мунча хутнă, вăрмантан татса килнĕ сиплĕ курăксемпе çăвăнса тасалнă, çĕнĕ хурăн милĕкпе çапăнса киленнĕ. Акă мĕнле çырнă чăваш халăх поэчĕ К. Иванов "Нарспи" поэминче: "Куçне уçнă уçманах чăваш ларать мунчинче". Çав кун ялсенче чÿречесем умне, алăксене йывăç турачĕсемпе илемлетнĕ. 
Кăнтăрла иртсен ... Малалла вула »