Июнĕн 1-мĕшĕнче, Пĕтĕм тĕнчери ачасене хÿтĕлемелли куна халалласа, Трак енре те тĕрлĕ мероприятисем иртрĕç. 
Çумăр çусах тăнăран уяв вырăнне ял тăрăхĕсем хушшинчи инфомаципе культура центрне куçарчĕç. Ачасене йăлана кĕнĕ, çуллен килекен савăнăçлă та хаваслă праçникне район администрацийĕн пуçлăхĕ А. Шестаков ăшшăн саламларĕ, паянхи çамрăк ăру çĕр-шывăн ыранхи пуласлăхĕ пулнине палăртрĕ.
Сцена çинчен уява (ăна Н. Филиппова, Н. Николаева тата Л. Игнатьева) йĕркелесе пычĕç) пухăннă ачасемпе вĕсен ашшĕ-амăшне "Заволжский” клуб çумĕнчи ачасен "Юность” халăх ташă ансамблĕпе "Капельки” ансамблĕн кĕçĕн ушкăнĕ, халăх пултарулăхĕн районти çурчĕ çумĕнчи "Взгляд” ташă ансамблĕ, Красноармейски вăтам шкулĕн 4-мĕш класс вĕренекенĕсем, райцентрти ача сачĕсене çÿрекен Катя Бартасова, Михаил Никоноров, Маша Егорова, Саша Николаева тата ыттисем юрă-ташăпа савăнтарчĕç. Вăйăсемпе конкурссем те пулчĕç, вĕсене хутшăннисем пылак призсене тивĕçрĕç. 
Уяв спонсорĕсем Красн ... Малалла вула »

Çĕньял Упире мухтанмалли, мăнаçланмалли çынсем çук мар. Вĕсенчен пĕри — Вилорик Федорович Романов, истори ăслăлăхĕсен докторĕ, профессор, композитор. Шел, халĕ вăл пирĕн хушăмăрта çук ĕнтĕ. (Йывăр тăпри çăмăл пултăр). Йывăр чир ăна пиртен ир уйăрса кайрĕ. 
Çапах та ку материала пичетлемешкĕн кирлех пуль терĕм. Раççей историйĕн çулталăкĕ иртсе пырать. В. Ф. Романов ĕçĕ-хĕлĕ те ку датăпа тачă çыхăннă: историк пулнă-çке. Тата нумаях пулмасть вăл çуралнăранпа 75 çул тултарчĕ.
Ун çинчен сăмах хускатиччен малтанах ашшĕ çинчен каласа хăвармалла пулĕ. Хĕветĕр Çĕньял Упинче чухăн хресчен çемйинче çуралса ÿснĕ. Çемьере улттăмĕш ача пулнă, çамрăклах пĕлÿ тĕнчине туртăннă. Янкасри пуçламăш, Упири ултă çул вĕренмелли шкулсенче, Шăхасанти хресчен çамрăкĕсен шкулĕнче вĕреннĕ. Салтакра пулнă. Ленинградри 4-мĕш Туркестански стрелковăй дивизин 10-мĕш стрелковăй полкĕнчи стрелковăй ротăн пулемет взводĕнче отделени командирĕ, каярахпа взвод командирĕн помощникĕ пулнă. Служб ... Малалла вула »