Красноармейски район администрацийĕн пуçлăхĕн 2013 çулхи раштавăн 12-мĕшĕнчи хушăвĕпе килĕшÿллĕн («Об утверждении состава редакционного совета, состава редакционной коллегии и рецензентов по изданию «Энциклопедии Красноармейского района») раштавăн 24-мĕшĕнче район администрацийĕн ларусем ирттермелли залĕнче Трак ен энциклопедине кăларассипе ĕçлекен редколлегин пĕрремĕш ларăвĕ иртнĕ. Унта редколлегин тĕп редакторĕ Красноармейски пĕтĕмĕшле вăтам пĕлÿ паракан шкул вĕрентекенĕ Михайлов Виталий Михайлович, "Ял пурнăçĕ" хаçат редакцийĕн пай пуçлăхĕ Борисов Юрий Зиновьевич, район администрацийĕн йĕркелÿпе тĕрĕслев тата техника пулăшăвĕн пай пуçлăхĕ Капрова Алина Геннадьевна, Нестер Янкас ячĕллĕ пĕрлĕх правленийĕн ертÿçи, районти ветерансен канашĕн ертÿçи  Ефимов Георгий Леонидович-Тусли, çыравçă-поэт Ершов Николай Гаврилович (Янгер). районти историпе тăван тавралăх музейĕн заведующийĕ Серафимов Владимир Серафимович тата район администрацийĕн социаллă аталанупа а ... Малалла вула »

Раштав уйăхĕн 23-мĕшĕнче район администрацийĕн ларусен залĕнче районти обществăлла пуçарулăх ушкăнĕн йĕркелÿ пухăвĕ  иртрĕ. Ăна регионсемпе нацисем хушшинчи туслăхпа этноçыхăнăва вăйлатас, чăваш нацин ăс-хакăлпа пурлăх культурине аталантарас тĕллевпе пуçарнă. Пухăва Красноармейски район администрацийĕн пуçлăхĕ Шестаков А.В., ял тăрăхĕсен пуçлăхĕсем, муниципалитетăн бюджетлă учрежденийĕсен пуçлăхĕсем, культура тата вулавăшпа музейсен ĕçченĕсем, шкулсенче чăваш чĕлхипе литератури вĕрентекенсем, таврапĕлÿçĕсем, çыравçăсемпе журналистсем хутшăнчĕç.

Пухăва Чăваш Республикин муниципаллă органсен Совечĕн ĕç тăвакан директорĕ, Чăваш наци конгресĕн  Президиум членĕ Николаев С.А. ертсе пычĕ. Вăл Чăваш наци конгресĕн юлашки съезчĕ йышăннă резолюцисемпе паллаштарчĕ, тăван халăхăн ырă йăли-йĕркине упрамалли тата ăна малалла аталантармалли çинчен сăмах пуçарчĕ. Чăваш наци конгресĕ районсемпе хуласенче хăйĕн уйрăмĕсене уçма палăртнине пĕлтерчĕ, ... Малалла вула »