Паян района ĕçлĕ визитпа Чăваш Республикин Министрсен Кабинечĕн председателĕ Макаров Олег Витальевич, унпа пĕрле пурлăх тата çĕр ыйтăвĕсемпе ĕçлекен министерствăн ертÿçи Енилина Светлана Александровна тата обществăлла инфраструктурăпа хула строительствин министерствин пуçлăхĕн çумĕ Янковский Михаил Вячеславович килсе кайнă. Вĕсем нумай ачаллă çемьесене çĕрпе тивĕçтерессипе, ăна тума инфраструктурăпа инженери коммуникацийĕсем тăвас ыйтăва татса парассипе тимленĕ. Вĕсем Красноармейски ялĕн çĕнĕрен çĕкленекен çурçĕр хĕвеланăç енчи микрорайонне кайса килнĕ. Ку микрорайона шывпа тивĕçтерес ыйтăва та çĕкленĕ.

Çамрăк тата нумай ачаллă çемьесене çĕрпе тивĕçтерес ыйтупа Чăваш Республикин Эльтеперĕ Указ йышăннăранпа Красноармейски районĕнче çавăн йышши çемьесене 13 çемье шута илнĕ. Вĕсенчен çиччĕшне çĕр çурт-йĕр çĕклеме, улттăшне уйрăм хуçалăх йĕркелеме кирлĕ. Ку таранччен районта çакăн йышши çĕр лаптăкĕпе 5 çемьене тивĕçтернĕ те ĕнтĕ. Красноармейски ял тăрăхĕн территорийĕнче пурăнакан ытти çемьесене çĕр лаптăкĕпе тивĕçтересси - паянхи кун ыйтăвĕ.

Хăнасем Красноармейски ялĕ çумĕнче çĕкленекен кирпĕч заводне тата "Таябинка" агрофирмăра 4 пин тонна çĕр улми вырнаçмалăх хранилище тунă çĕре çитсе килнĕ. 

Çăлкуç: http://gov.cap.ru/list4/news/rec.aspx?gov_id=67&link=&preurl=.&FKey=F_JURL_ID&id=1282912