Л. А. Алексеев Кăмакал ялĕнче 1938 çулхи авăн уйăхĕн 7-мĕшĕнче çуралнă. Ачалăхĕ вăл вăхăтри синкерлĕ пурнăçра иртнĕ. Виçĕ çулта чухне тăван кил-çурт тĕрексĕр тăрса юлать. Фашистла Германи тапратнă чи хаяр вăрçăра тăван ашшĕ — Алексей Никифорович Никифоров — Смоленск хулишĕн пынă хаяр çапăçура хыпарсăр çухалать. Юратнă амăшĕпе — Вера Сергеевнапа пĕрле ырлăх-хурлăха пайласа çитĕннĕ ача. Вăрçă чарăнсан, 1946 çулхи сентябрĕн 1-мĕшĕнче Кĕçĕн Шетмĕри шкула 1-мĕш класа каять, 1953 çулта вĕренсе тухать. Леня — вăрçă ачи, ачалăхĕ çăмăл та савăнăçлă пулман. Тăлăх çемьере вăл — асли, кĕçĕннисем: икĕ йăмăкĕ — Евдокия тата Мария. Шкула час-часах хура çĕре шурă юр çуса лартиччен çарран утнă, пир сумкăра — кĕнекесемпе пĕрле пиçнĕ çĕр улмипе сухан. Шкултан таврăнсан, кĕркуннехи вăхăтра уя вырса илнĕ тырăран юлнă хăмăла кĕреплепе пуçтарса сивĕ пÿрте хутса ăшăтма çухрăмсерен йăтмалла пулнă. Çулла пысăкраххисемпе пĕрле ялтан 6 çухрăмра вырнаçнă Ункăçум заводĕнче кунĕпе ĕçлесе хĕвел анаспа пĕрер килограмм çĕр улми мезги, тепĕр чух çĕр улми крахмалĕн юлашкине киле илсе килнĕ, çапла майпа амăшне çемьене тăрантарма пулăшнă. Хĕллехи вăрăм каçсенче аран-аран хуткаласа ăшăтнă пÿртре уроксене хатĕрленипе пĕрлех, амăшне курăс чĕрме, чĕрнĕ курăса хĕçе тирме пулăшнă. Çав çулсенче пирĕн районти ялсенче килсерен чăпта ĕçĕпе тăранса пурăннă. Шкул пĕтернĕ хыççăн Леонтий тăван колхозра тĕрлĕрен ĕçсене пысăккисемпе пĕрлех хутшăнать: çуркунне уйра лашапа сÿре тăвать, шăтса тухма хатĕрленекен калчасене пĕр лаша кÿлнĕ йывăçран тунă катокпа пусăрăнтарать. Кĕçех çĕрĕн самаях яваплă та йывăр ĕçне кÿлĕнет: икĕ лаша кÿлнĕ икĕ каслă плугпа суха ĕçĕсене пурнăçлать. Вăл вăхăтра колхозра укçа ĕçлесе илме пачах пулман тесен те йăнăш мар. Ÿссе каччă пулнă çамрăкăн тăхăнас та пулать, йăмăксем те çитĕнеççĕ, вĕсене те шкула яма тумтир кирлĕ. Çапла вара Леонтий ялти темиçе çамрăкпа пĕрле Кемĕр облаçĕнчи Киселевск хулине тухса каять. Унта сăрт-ту промышленноçĕн училищинчен вĕренсе тухать. 1956 çулхи çурла уйăхĕн 25-мĕшĕнчен пуçласа "Кагановичуголь” трестне пăхăнакан 12-мĕш номерлĕ шахтăра çĕр айĕнче откатчик пулса ĕçлеме пуçлать. 1957 çулхи июнь уйăхĕнче строительство цехне штукатура куçать. 1958 çулта Леонтий çемйинче питĕ пысăк инкек — йывăр чире кайса хăйне çуратса ÿстернĕ юратнă амăшĕ — Вера Сергеевна Сергеева — 42 çултах çĕре кĕрет. 

Чӑваш патшалӑх университетӗнче ют ҫӗр-шыв журналистикин, Атӑл ҫи университетӗнче культурологи кафедрисен ертӳҫи пулнӑ.

Юрьев (Нямань) Михаил Иванович (1910-1980), уроженец д. Сирикли Ядринского уезда (ныне Красноармейского района Чувашской Республики), поэт, литературовед, переводчик, библиограф, журналист, заслуженный работник культуры Чувашской АССР, участник Великой Отечественной войны. Награжден орденом "Знак Почета". Автор книг на чувашском языке: "Крылатая девушка", "Чемпион Европы", ряда брошюр, литературно-критических статей о чувашской литературе, составитель биобиблиографического справочника "Писатели Советской Чувашии" (1964, 1968, 1975, 1988).