Чăваш Республикинчи учительсенчен Раççей Президенчĕн Грантне 2006-2009 çулсенче пурĕ 446 вĕрентекен тивĕçнĕ. Вĕсен нумай енлĕ пултарулăхĕн паха ĕç меслетлĕхне пухса Чăваш Республикин Вĕрентÿ министерстви кĕнеке кăларнă. Унăн ум сăмахне Вĕрентÿ институчĕн ректорĕ В.Д.Данилов профессорпа С.В.Димитриева доцент çырса хатĕрленĕ. Кĕнекере 112 учителĕн ĕç опычĕ çинчен кĕскен каласа панă. Вĕсен шутĕнче - Красноармейски иккĕмĕш шкулĕнче чăваш чĕлхипе литератури вĕрентекен З.П.Михайлова тата вырăс чĕлхипе литератури вĕрентекен Н.В.Ефимова педагогсем. Зинаида Петровнăн ĕç меслетлĕхне уçса паракан статйи "Нарспи" поэмăна шкулта çĕнĕ технологисемпе усă курса вĕрентесси" ятлă, Наталья Васильевнăн - "Инновационные программы и технологии в работе классного руководителя". Кĕнеке 1000 экземплярпа тухнă. 

Кăрлачăн 19-мĕшĕнче И.Я.Яковлев ячĕллĕ Чăваш патшалăх педагогика университетĕнче Николай Петрович Петров профессора асăнса «Чăваш литература чĕлхин историйĕ» ятлă çавра сĕтел иртрĕ. Çак кун, профессор сывă пулсан, 81 çул тултарĕччĕ.

Вăл 13 сехетре пуçланчĕ. Çавра сĕтел майлă иртернĕ конференцие чĕлхеçĕсемпе ытти ăсчахсем тата чăваш филологийĕн студенчĕсем пухăнчĕç. Евдокия Александровна ăна çавра сĕтеле уçнă май кĕскен ун йĕрки çинчен каласа пачĕ. Малтан Н.П.Петров 2008 çулхи юпан 17-мĕшĕнче Сыктывкарта панă интервьюна итлерĕç. Кĕскен каласан 20 минутлă калаçура вăл Василий Ильич Лыркин (хушаматне, лайăх илтĕнмен пирки, йăнăш та çырма пултарнă — каçару ыйтатăп. Admin) пирки тата ытти вак-тĕвек ыйтусене хускатрĕ: IX ĕмĕрхи полхарсен кивĕ çыру палăкне вулас ыйту, доктор канашне йĕркелени.

Президиума Евдокия Александровна Андреева, Татьяна Витальевна Денисова, Олег Ростиславович Студенцов, Виталий Иванович Сергеев, Николай Петровичăн мăшăрĕ Елена Архипо ... Малалла вула »

Чăваш Республикин Президенчĕн 2009 çулхи раштавăн 29-мĕшĕнчи 156рп номерлĕ хушăвĕпе килĕшÿллĕн Трак Енри 8 çамрăка вĕренÿре, наукăпа тĕпчев ĕçĕнче, пултарулăхпа производство ĕçĕнче, управленире, спортра, бизнеса проектлассинче палăрнăшăн тата обществăлла ĕçре тăрăшулăх кăтартса çитĕнÿсем тунăшăн ятарлă стипенди памалла тунă. Вĕсем çаксем: ... Малалла вула »

1. Пĕтĕмĕшле йĕрке
Красноармейски районĕнчи Нестер Янкас ячĕллĕ литературăпа искусство тата культура пĕрлĕхĕн правленийĕ йышăнăвĕпе тата район администрацийĕн вĕрентÿ пайĕн информаципе методика центрĕ çумĕнчи творчествăлла ĕçлекен чăваш чĕлхипе литератури вĕрентекенсен ушкăнĕн ĕç планĕпе килĕшÿллĕн Красноармейски (Трак) районне туса хунăранпа тата Нестер Янкас ячĕллĕ пĕрлĕх йĕркеленнĕренпе 20 çул çитнине халалланă литература конкурсĕ иртет.
2. Конкурс тĕллевĕсем
• Красноармейски районне туса хунăранпа 75 çул тата Нестер Янкас ячĕллĕ пĕрлĕх йĕркеленнĕренпе 20 çул çитнине чыслăн паллă тăвасси;
• Районти шкулсенче вĕренекен ачасен литература пултарулăхне аталантарасси;
• Литература енне туртăнакан талантлă ачасене тупса палăртасси.
3. Конкурса хутшăнакансем
Конкурса хутшăнакансем Красноармейски районĕнчи шку ... Малалла вула »

Кашни ҫын мӗн ачаранах хӑйне килӗшекен. чуна ҫывӑх ӗҫ суйлать. Пурнӑҫ ҫулне тупасси тепӗр чухне шкул саккн ҫинче ларнӑ чухнех паллӑ. Олег Васильевич Димитриевӑн та ҫавӑн пекех пулнӑ.

0. Димитриев Вӑрманкас Чуракасси ялӗнчи хресчен ҫемйинче ҫуралнӑ. Шкулта пӗлӳ илнӗ чухнех вӗренӳре ҫеҫ мар, обществӑлла ӗҫре те палӑрнӑ. Алманч вӑтам шкулӗнчи комсомол комитечӗн секретарӗ пулнӑ, хӗрсемпе каччӑсене вӑхӑт таппипе тан пыма хавхалантарса тӑнӑ. Алла аттестат илсен ҫамрӑк И. Я. Яковлев ячӗллӗ Чӑваш патшалӑх педагогика институтне (халӗ — университет) ҫул тытать. Экзаменсене ӑнӑҫлӑ тытса филологи факультечӗн студенчӗ пулса тӑрать. Сесси хыҫҫӑн сесси хыҫа юлать, яш тапхӑрти савӑк вӑхӑтсем пӗр сисӗнмесӗр иртеҫҫӗ. Алӑра — аслӑ пӗлӳ илни ҫинчен калакан диплом. 1981 ҫулта Олег Васильевич тӑван тӑрӑха таврӑнать, Шывпуҫӗнчи сакӑр ҫул вӗренмелли шкулта вырӑс чӗпхипе литературине вӗрентме пуҫлать. Ҫамрӑк педагога тӑххӑрмӗш классен ... Малалла вула »

"Райпо канашне 8,5 çул ертсе пыратăп. Сутуçăсен династийĕнчен эпĕ, - тет Альбина Ильинична. - Асатте катка-пичке туса сутнă. Аннен пĕр пиччĕшĕ 20 çул лавккара тăрăшнă, тепри райпо председателĕ пулнă. Çемьере улттăн çитĕнтĕмĕр. Тăваттăн пурнăçа суту-илÿпе çыхăнтартăмăр. Хĕрĕм Людмила - райпо тытăмĕнче, общество апатланăвĕн предприятийĕн ертÿçи”.

А.Дмитриева - Чăваш Республикин халăхăн йăла ыйтăвĕсене тивĕçтерекен ĕçĕн тава тивĕçлĕ ĕçченĕ, "Раççей потребкооперацине аталантарма хывнă тÿпешĕн” ордена тивĕçнĕ. Пĕлтĕрхи çитĕнÿсемпе малашлăх тĕллевĕсем çинчен каласа парать Альбина Ильинична.

Иртнĕ çул çăмăл килмерĕ. Тĕнчене кисретнĕ кризис пире те витĕм кÿчĕ, çапах та çапсах хуçаймарĕ. Йывăрлăхсене çĕнтерме пурнăç хистерĕ, хамăр ĕçе кĕске хушăрах çĕнĕлле йĕркелеме тиврĕ. Унсăрăн май çук: пирĕн аталану халăх тупăшĕпе çыхăннă. Çынсен укçи-тенки сахалланнипе суту-илÿ ыйтăвĕсене тивĕçтерес енĕпе çĕнĕ майсем шырама пикентĕмĕр. Поставщиксемпе ытларах ĕçлеме тытăнт ... Малалла вула »

Хаклӑ ентешӗмӗрсем!
Чӑваш Республикин Президенчӗ Н. В. Федоров Республикăн Патшалӑх Канашне нумаях пулмастъ янӑ 'Чӑваш Ен: пуласлӑхри тата пуласлӑх валли" Ҫырӑва тулли кăмӑлпа итлерӗм. Николай Васильевич чӑваш халӑхӗ 2009 ҫулта тунӑ ӗҫ-хӗле кӗскен те уҫӑмлӑн пӗтӗмлетрӗ, ытларах малашлӑхри тӗллевсем ҫинче чарӑнса тӑчӗ. Малалла ӑнтӑлса ӗҫлеме хистекен ку документ пирӗн район ҫыннисемшӗн те пысӑк пӗлтерӗшлӗ. Ҫавна май çапла каланӑ пулӑттӑм: Ҫӗнӗ 2010 ҫула эпир те, трак енсем, мӗн пур чӑвашпа пӗрле çӗнӗ те ырӑ, хаваслӑ та курӑмлӑ туйӑмсемпе кӗретпӗр. Ав, иртнӗ ҫул та тӑван район аталанӑвӗн хӑватне ÿстерес ӗмӗт-тӗллевпе вӑй хунӑран усӗмсем туптама пултартӑмӑр. Ҫӗр ӗҫченӗн ҫулталӑкӗнче реконструкцилесе тӗпрен юсанӑ хыҫҫӑн Йӗпрем фермине ҫӗнӗ сӑн кӗчӗ. Ун умӗн ку евӗр улшӑнусем Яманакри сӗт-ҫу ферминче те вырӑн тупрӗҫ. Районӗпе 2008 ҫулхинчен тӗш тырӑ — 1600, ҫӗр улми 1490 тонна ытларах алла илтӗмӗр. Тӗш тырӑ кашни гектартан вӑтамран бункер виҫипе — 23,9, ҫӗр улми 206 ... Малалла вула »