ПРАВОСЛАВИ тĕнне ĕненекенсемшĕн Мăнкун – чи аслă, чи таса уяв. Иисуса пăталанă хыççăн ăна хисеплекенсем, ĕненекенсем Турă ывăлне хĕрхенсе унран каçару ыйтнă. 40-мĕш кунне Иисус чĕрĕлнĕ. Çак пулăма асра тытса уявлаççĕ. Мăнкунра çынсем пĕр-пĕрне тĕл пулса "Христос чĕрĕлнĕ” – "Чăн чĕрĕлнĕ” теççĕ.

Чăваш чĕлхипе литературине тата культурине тăрăшса вĕренекен шкул ачисене хавхалантарас тата вĕсен ăс-хакăлĕпе пултарулăхне аталантарас тĕллевпе  районти шкулсенче пуш уйăхĕн 18-мĕшĕнчен пуçласа ака уйăхĕн 2-мĕшĕччен наци культурин "Туслăх хĕлхемĕ" фестивалĕ иртрĕ. Республика фестивалĕн районти тапхăрĕ Трак чăвашла-нимĕçле гимназире пулчĕ. Унта районти шкулсенче çĕнтерÿçĕ ятне çĕнсе илнĕ 6-9 классенче вĕренекенсем хутшăнчĕç. Фестиваль программипе килĕшÿллĕн вĕсем  тăватă конкурсра тупăшрĕç. 

Наука ĕçĕсемпе мультимедиллĕ презентацисен «Чăвашлăх тĕнчи» конкурсĕ 3 номинаципе иртрĕ. "Çĕнтерÿçĕсем манăçмаççĕ" номинацире çĕнтерÿçĕ ятне Трак чăвашла-нимĕçле гимназири Степанова Людмилăпа Степанова Екатерина çĕнсе илчĕç (ертÿçисем - Антонова И.Н., Кузьмина Ю.Е.). Иккĕмĕшпе виççĕмĕш вырăнсене Упи шкулĕнчи Васильева Еленăпа Петров Алексей тата Еншик Чуллăри Данилова Мария çĕнсе илчĕç (ертÿçисем - Васильева В.В., Петрова С.В. тата Ефимова Г.А.).  "К.В.Иванов хайлавĕсенч ... Малалла вула »

Православи чиркĕвĕн чи аслă уявĕ - Мăнкун. Вăл - праçниксен праçникĕ. Чылай чиркÿ уявĕсем кашни çулах пĕр кун, пĕр уйăхра килеççĕ. Чылайăшĕсем вара пĕр вăхăтра пулмаççĕ, кун хисепĕ те улшăнать. Вĕсем Мăнкун хăçан килнипе тачă çыхăннă. Кăчкă праçникĕ те Мăнкун умĕн пĕр эрне маларах - вырсарникун пулать. Вырăсла ăна "Вербное воскресенье” теççĕ. Кăчкă йывăççи е хĕрлĕ хăва, е çÿçе йывăççисен ушкăнне кĕрет.

Православи тĕнĕнче Кăчкă праздникне Иисус Христос Иерусалима пырса кĕнине асăнса паллă тăваççĕ. Çак кун кăчкă турачĕсене хуçса капăр хутсемпе илемлетсе чиркĕве илсе пыраççĕ. Вĕсене Турă шывĕпе сапса сăваплă вăй параççĕ те киле илсе кайса турăш умне тепĕр çулччен лартаççĕ. Иртнĕ çулхи кивĕ кăчкăсене выльăх картине илсе тухса, çу уйăхĕн пуçламăшĕнче выльăхсене кĕтĕве хăвалама илсе тухса хураççĕ. Выльăхсене кивĕ кăчкă турачĕсемпе хăваласан вĕсем чирлемеççĕ, тĕрĕс-тĕкел çу каçса яланах киле таврăнаççĕ тесе шутланă.

Мĕншĕн-ха çак уява кăчкă турачĕсемпе чысл ... Малалла вула »

Красноармейски (Трак) районне туса хунăранпа 75 çул çитнине халалласа районти тĕп вулавăш ĕçченĕсем (ертÿçи - Никитина С.А.) "Асран кайми тăван кĕтес" викторина йĕркелесе ирттерчĕç. Викторинăна хамăр районти шкулсенче вĕренекенсенчен пурĕ 100 ытла ача хутшăннă. 10 ыйтуран тăракан викторина ыйтăвĕсем çине тĕрĕс хуравласа Çĕнтерÿçĕ ятне Красноармейски иккĕмĕш шкулĕн вĕренекенĕсем, "Кăмăл" вĕренÿ пĕрлешĕвĕнче хушма пĕлÿ илекен ачасем (ертÿçи - хушма пĕлÿ паракан педагог Михайлова З.П.), тивĕç пулчĕç. Вĕсем çаксем: Михайлов Алексей (9-мĕш "Б" класран), Яковлева Александра, Лукина Кристина, Данилова Мария (пурте 6-мĕш "Б" класран) тата Журавлева Оксана (7-мĕш "Б" класран). Вĕсене пурне те дипломсемпе тата парнесемпе чысларĕç. Саламлатпăр. Малашне те ăнăçу сунатпăр.

Мартăн 6-мĕшĕнче районти "Ял пурнăçĕ” хаçатăн пĕрремĕш номерĕ тухни 75 çул çитрĕ. Вăл чи малтанах "Колхозник” ятпа çапăнса çынсем патне саланнă. 1939—1962 çулсенче район хаçачĕ "Коммунизм çулĕпе” ятпа пичетленнĕ. "Ял пурнăçĕ” вара 1966 çулхи майăн 1-мĕшĕнчен тухса тăрать. 

Редакци йышĕнче, хаçат тематикипе содержанийĕнче нумай улшăнусем пулнă. И. Хатаевский, А. Маркова, Л. Семенов, Л. Николаев редакторсем уйрăмах нумай çул ĕçленĕ. Халĕ И. А. Прокопьев тĕп редактор пулса вăй хурать. Çак ĕçе вăл 20 çул йĕркелесе пырать.

Юлашки çулсенче хаçат сăн-сăпачĕ чылай улшăнчĕ. Вулакансен йышĕ ÿсни те çак ĕçре тимлекенсене савăнтарать. 2010 çулăн пĕрремĕш çур çулĕнче хаçат 1790 экземплярпа çапăнать.

Райхаçат 75 çул тултарнине халалласа мартăн 5-мĕшĕнче савăнăçлă уяв иртрĕ. Мероприятине райхаçат гимнĕпе уçрĕç, ăна редакцинче вăй хуракансем юрларĕç. Ун хыççăн Иван Афанасьевич пуçтарăннисене хаçат историйĕпе паллаштарчĕ, малта пыракансене Хисеп грамотипе наг ... Малалла вула »

Нарăсăн 25-мĕшĕнче Красноармейскинче (Тракра) Халăх пултарулăх çурчĕн ларусен залĕнче Нестер Янкас ячĕллĕ пĕрлĕх 20 çул тултарнине халалласа уяв каçĕ иртрĕ. Уяв кĕрекинче - район администрацийĕн пуçлăхĕн пĕрремĕш çумĕ Н.И.Антонов, район администрацийĕн культура, спорт тата çамрăксемпе ĕçлекен пай пуçлăхĕ А.Лебедев, Шупашкарти "Трак ен" ентешлĕх ертÿçи А.Н.Львов, Нестер Янкас ячĕллĕ Преми лауреачĕ Ăсан Уçăпĕ çыравçă, Нестер Янкас шăллĕн ывăлĕ Валерий Кириллов, пĕрлĕх ертÿçи Георгий Тусли, тĕрлĕ çулсенче пĕрлĕхе ертсе пынă А.А.Раськин, В.М.Михайлов, В.З.Константинов, Н.Г.Ершов-Янкер юлташсем тата 2008 тата 2009 çулсемшĕн пĕрлĕх Премине илме тивĕçлĕ пулн ... Малалла вула »

– И.Я.Яковлев ячĕллĕ пединститутран вĕренсе тухнă хыççăн Трак тăрăхĕнчи Алманч ялне ĕçлеме ячĕç. Шкул директорĕ Иван Иосифович Осипов вăрçă ветеранĕ мана курчĕ те куçлăхне çамки çине хăпартса хучĕ. «Арçын учительсене питĕ кĕтеттĕмĕрччĕ-ха», – терĕ ăшшăн пăхса. «Кунта пĕр çул ĕçлетĕп те мĕнле те пулсан таратăпах», – шутлатăп хам ăшра. Шкулĕ пĕчĕкчĕ, кăмрăкпа хутса ăшăтатчĕç, – каласа кăтартать Лев Григорьевич Григорьев, районти ĕçпе педагогика вĕтеранĕсен канашĕн ертÿçи. 

Сисĕнмесĕрех пĕр çул та иртсе кайнă. Çамрăк учитель шкул ачисене, коллектива хăвăртах хăнăхнă. Халĕ ĕнтĕ кунтан ниçта та каясси килмен.

– Тăхтав вăхăтĕнче ачасем мана курма коридора тухса тăратчĕç. Эпĕ мĕнле утни килĕшнĕ иккен вĕсене. Хуларан тин çеç килнĕскер питĕ çăтă брюкипе çÿреттĕм. Ялта вара ун пек тăхăнакан пулман, – аса илет Л.Григорьев. 

Ĕçлесех кайнă çапла Алманч шкулĕнче. Ĕнтĕ çемье çавăрма та вăхăт çитсе пынă. Ял витĕр кашни кунах пĕр чипер хĕр иртсе кайнине час-ча ... Малалла вула »

Нестер Янкас ячĕллĕ пĕрлĕх хăйĕн сайчĕ урлă ирттернĕ «Ачасен пултарулăхĕ» инçет литература конкурсĕ вĕçленчĕ. Ăна Красноармейски районне туса хунăранпа 75 çул тата Нестер Янкас ячĕллĕ пĕрлĕх йĕркеленнĕренпе 20 çул çитнине халалланă. Унта районти шкулсенче вĕренекенсем хăйсен проза, поэзи тата тата драма жанрĕсемпе çырнă  50 яхăн ĕçне тăратнă. Шкул ачисемпе вĕрентекенсем ытларах Красноармейски иккĕмĕш шкулĕнчен (30 ĕç, вĕрентекенĕсем З.П.Михайловăпа В.М.Михайлов), Пикшик шкулĕнчен (14 ĕç, вĕрентекенĕ – Л.А.Тихонова),  Упи шкулĕнчен (4 ĕç, вĕрентекенĕ – В.В.Васильева) тата Карай шкулĕнчен (3 ĕç, вĕрентекенĕ – А.Ю.Никандрова)  хастар пулчĕç.  Тавах вĕсене!